सातारा : न्यायालयाच्या जप्ती वॉरंटप्रमाणे कारवाई न करण्यासाठी दोन हजार रुपयांची लाच स्वीकारल्याप्रकरणी तालुका पोलिस ठाण्याच्या हवालदारास लाचलुचपत प्रतिबंधक विभागाने अटक केली.
हेही वाचा - कणसे होंडातील 43 गाड्या चाेरीचे रहस्य उलगडले
विश्वास दत्तात्रय सपकाळ असे हवालदाराचे नाव आहे. याबाबत संबंधित तक्रारदारावर न्यायालयाने जप्ती वॉरंट काढले होते. त्यानुसार कारवाई न करण्यासाठी सपकाळ याने त्यांच्याकडे दोन हजार रुपयांची मागणी केली. याबाबत तक्रारदाराने आज लाचलुचपत प्रतिबंधक विभागाकडे तक्रार अर्ज दाखल केला.
त्यानुसार केलेल्या पडताळणीमध्ये दोन हजार रुपयांची लाच मागितल्याचे स्पष्ट झाले. त्यानुसार राजवाडा येथील लक्ष्मी रसवंतीसमोर दोन हजार रुपयांची लाच स्वीकारताना सपकाळ यास पकडण्यात आले. त्याच्यावर गुन्हा दाखल करण्याची प्रक्रिया शाहूपुरी पोलिस ठाण्यात सुरू होती.
जरुर वाचा - ताई तू घाबरु नकाेस आम्ही आहाेत
उपअधीक्षक अशोक शिर्के, निरीक्षक अविनाश जगताप, हवालदार संजय साळुंखे, भरद शिंदे, विजय काटवटे, संजय अडसूळ, प्रशांत ताटे, मारुती अडागळे, संभाजी काटकर, विशाल खरात, तुषार भोसले, नीलेश येवले, नीलेश वायदंडे, शीतल सपकाळ यांचा या कारवाईत सहभाग होता. कोणत्याही लोकसेवकाने लाचेची मागणी केल्यास नागरिकांनी लाचलुचपत प्रतिबंधक विभागाच्या 1064 या टोल फ्री क्रमांकावर संपर्क साधण्याचे आवाहन शिर्के यांनी केले आहे.
हेही वाचा - ...अन् बलात्कारी सापडला जाळ्यात
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
