सोलापूर : खासगी वाहतुकीला स्पर्धा करीत दररोज सुमारे 65 लाख प्रवाशांना सेवा देणारी आणि सव्वाएक लाख कुटुंबांचा उदरनिर्वाह भागविणाऱ्या राज्य परिवहन महामंडळाने आता प्रवाशांसाठी गडचिरोली ते रत्नागिरीपर्यंत स्लिपर कोच सेवा सुरू केली आहे. त्यासाठी 200 बस सुरू करण्यात येणार असून त्यापैकी 80 बस रस्त्यावर धावत आहेत. उर्वरित 120 बस डिसेंबर 2020 पर्यंत सुरू करण्यात येणार असल्याची माहिती वाहतूक व्यवस्थापक राहुल तोरो यांनी दिली.
हेही आवश्य वाचाच : आम्ही धमक्यांना घाबरत नाही : फडणवीस
सोलापुरातील मंगळवेढा-बोरोवली, सोलापूर-नाशिक आणि करमाळा-मुंबई या मार्गांवर स्लिपर कोच बससेवा सुरू करण्यात आली आहे. ही बससेवा प्राधान्याने ग्रामीण भागात सुरू करण्यात आली आहे. जुनाट झालेली लालपरी, खासगी वाहतुकीची वाढलेली स्पर्धा, इंधन दरवाढ, कर्मचाऱ्यांच्या वेतनावरील खर्च आणि प्रत्यक्षातील उत्पन्नात मोठा फरक पडला आहे. शासनाकडून राज्य परिवहन महामंडळाला सवलतीच्या प्रवासापोटी सुमारे बाराशे कोटी रुपये मिळतात. त्यातून महामंडळाची वाटचाल सुरू असल्याची चर्चा आहे. अद्याप कर्मचाऱ्यांच्या वेतनाचा प्रश्न सुटलेला नसून आता स्लिपर कोचला मिळणारा प्रतिसाद महत्त्वाचा मानला जात आहे.
हेही आवश्य वाचाच : हुतात्मा दिन...स्वातंत्र्य लढ्यात सोलापुरच्या चार नरवीरांचे हौतात्म्य
दोनशे स्लिपर कोचचे नियोजन
राज्य परिवहन महामंडळाच्या उत्पन्नात वाढ होण्याच्या दृष्टीने 200 स्लिपर कोच बस सुरू करण्यात येणार आहेत. गडचिरोली, सोलापूर, नाशिक, उस्मानाबाद, औरंगाबाद, मुंबई, पुणे, नगर, अमरावती, सांगली, कोल्हापूर, सातारा या जिल्ह्यांत ही सेवा सुरू करण्यात आली आहे. आतापर्यंत 80 स्लिपर कोच बस सुरू करण्यात आल्या आहेत.
- राहुल तोरो, वाहतूक व्यवस्थापक, राज्य परिवहन महामंडळ, मुंबई
हेही आवश्य वाचाच : अखेर सावंत सेनेला मातोश्रीचा दणका : निष्ठावंतांना पुन्हा संधी
ठळक बाबी...
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.