` या ` शहरातील 157 थकबाकीदार झळकणार डिजीटल फलकांवर

 सोलापूर : मिळकत कराची एक लाख व त्यापुढे थकबाकी असलेल्यांची नावे डिजीटल फलकावर झळकणार आहेत. सुमारे 157 थकबाकीदारांची यादी तयार करण्यात आली आहे. ते ज्या भागात राहतात त्या भागात त्यांचे नाव व थकीत रक्कम डिजीटल फलकावर लिहण्यात येणार आहे. 

आदेश जारी... महापालिका निवडणुकीत आता एक प्रभाग एक नगरसेवक

धाडसी कारवाईची गरज
शहराच्या काही भागातील मिळकतदार कर भरण्यास टाळाटाळ करतात. त्याची रक्कम खूप वाढते. महापालिकेने धडक मोहिम सुरु केली की मग हे लखपती थकबाकीदार एकतर नगरसेवकांचा दबाव आणतात किंवा पाच ते दहा हजार रुपये भरून कारवाई टाळतात. काही मिळकतदारांकडे 25 ते 30 हजार रुपये थकबाकी असली तरी महापालिकेचे कर्मचारी त्या मिळकतदाराचे नळजोड तोडतात, जंगम मालमत्ता जप्त करतात, त्याचवेळी या लखपती थकबाकीदारांबाबत मात्र धाडसी कारवाई होत नाही. 

गृहिणी चिंतेत... कांद्यापाठोपाठ लसूण महागले

157 जणांकडे एक ते पाच लाखांपर्यंतची थकबाकी
शहरातील 157 मिळकतदारांकडे एक ते पाच लाखांपर्यंतची थकबाकी आहे. ही थकबाकी वसूल करण्यासाठी आता धडक मोहिम राबविण्यात येणार आहे. या थकबाकीदारांच्या नावाचे डिजीटल फलक ते रहात असलेल्या परिसरात लावण्यात येणार आहेत. त्यावर थकीत रकमेचाही उल्लेख केला जाणार आहे. दोन वर्षांपूर्वी अशाच पद्धतीने फलक लावण्यात आले होते. त्यावेळी अल्पावधीतच कोट्यवधी रुपये महापालिकेच्या तिजोरीत जमा झाले होते. 

हेही वाचा... सोलापुरात रविवारी इतके घडले गुन्हे

थकबाकीदारांसाठी अभय योजनेचा प्रस्ताव 
शहरातील थकबाकीदार मिळकतदारांसाठी अभय योजनेचा प्रस्ताव तयार करण्यात येत आहे. मिळकतदारांकडे सुमारे 228 कोटी रुपयांची थकबाकी आहे. महापालिकेच्या नोटीसांना मिळकतदार दाद देत नाहीत, त्यामुळे थकबाकीची रक्कम वारंवार वाढू लागली आहे. यातून मार्ग काढण्यासाठी आयुक्त दीपक तावरे यांनी अभय योजनेचा प्रस्ताव ठेवला आहे.