सोलापूर - पतीच्या निधनानंतर गेल्या पंधरा वर्षांपासून बाळ्यातील चांदणी चौक येथे राहणाऱ्या सावित्री बाबूराव हुल्लूर यांनी मेसचा व्यवसाय करत आपला संसार यशस्वीपणे चालवला आहे. .याच व्यवसायाच्या बळावर त्यांनी मुलाचे लग्न व स्वतःचे हक्काचे घरदेखील उभे केले. मुलाच्या संसाराला ही याच व्यवसायाच्या बळावर हातभार लावला. कालांतराने मुलाच्या लग्नानंतर सुनेनेही आपल्या सासूच्या व्यवसायात चांगली मदत केली. सासूबाईंच्या उतरत्या वयात त्यांना व्यवसायात मोलाची साथ दिली आहे..या व्यवसायावरच न थांबता त्यांनी आपल्या मेस व्यवसायाला जोड म्हणून भाजी विक्री करण्याचा व्यवसायाला सुरवात केली. याकामी त्यांना दोन्ही नातू मदत करतात. शरीर थकलेले असतानाही व्यवसाय करायची त्यांची तीव्र इच्छाच त्यांना या वयात देखील यश मिळवून देत आहे..मुलगा राहुल हुल्लूर यांनी लहान पानापासून आईच्या व्यवसायात साथ देत तसेच वायरमन हे काम शिकत आपले शिक्षण पूर्ण केले. अशा परिस्थितीत नडगमगता आज तागायत पंधरावर्ष हा व्यवसाय चालवत आहे. चिंचोली एम आय डी सी, पुण्यशलोक अहिल्यादेवी होळकर सोलापूर विद्यापीठात शिक्षक तसेच विद्यार्थ्यांना व परिसरातील कारखाने तसेच ऑइल मिल कामगारवर्गाला डबे पोच केले जातात..पतीच्या निधनानंतर व्यवसाय उभा करत आलेल्या परिस्थितीला तोंड देत समाजामध्ये एक उत्कृष्ट असा प्रेरणा दायी ठरणारे हुल्लुर या परिवाराचे काम आजही सुरू आहे. या व्यवसायाच्या माध्यमातून हुल्लुर यांनी समाजासमोर एक आदर्श प्राप्त केला आहे..मेस हा व्यवसाय गेली पंधरा वर्षापासून करत आहे. पतीच्या निधनानंतर जीवन अंधारमय झाले होते. मुलाच्या भविष्यासाठी प्रामाणिक पणाने सुरू केलेला हा व्यवसाय आजही चालू आहे. या व्यवसायासाठी मुलांसोबत सूनदेखील हातभार लावत आहे. यासोबत भाजी विक्री व्यवसाय चांगला चालू आहे.- सावित्री हुल्लूर, स्वयंसिद्धा.घर चालवण्यासाठी सासूबाईंचे मेस चालवताना घेतलेले कष्ट माझ्यासाठी प्रेरणादायी ठरले. मी देखील त्यांना जमेल तशी मदत करते. मुलांना देखील मदत करण्यासाठी सांगते. माझे काम संपल्यानंतर उर्वरित वेळेत शक्य तितकी मदत या व्यवसायात करण्याचा प्रयत्न करते.- सरोजनी हुल्लूर, सून.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
