Barshi Farmers Raise Water Crisis Before Devendra Fadnavis Seek Permanent Water As Drought Impacts Farming And Families
sakal
बार्शी (जि.सोलापूर) : ‘साहेब, आमच्या या भागात दर दोन-चार वर्षांनी दुष्काळाची अशीच परिस्थिती असते. शेतीसाठी आणि पाण्यासाठी आम्हाला निसर्गावरच अवलंबून राहावे लागते. यावर्षी तर पावसाळा कोरडा गेला, त्यामुळे दुष्काळाची तीव्रता अधिक आहे. पाणीच नसल्याने अनेक तरुणांची लग्नेदेखील जमत नाहीत. त्यामुळे कृपा करून कायमस्वरूपी पाणी द्या,’ असे साकडे धानोरे परिसरातील शेतकऱ्यांनी मुख्यमंत्री देवेंद्र फडणवीस यांच्याकडे बुधवारी घातले.
