सोलापूर: वीजेची हानी तथा गळती, चोरी रोखण्यासाठी स्मार्ट मीटर ‘महावितरण’साठी मैलाचा दगड ठरेल, असा विश्वास महावितरणच्या अधिकाऱ्यांना आहे. स्मार्ट मीटरमध्ये बरेच फिचर असून त्यात प्रिपेड रिचार्जचीही सुविधा आहे. ग्राहकांनी त्यांच्या मोबाईलवर महाविद्युत ॲप डाऊनलोड केल्‍यास दिवसभरात किती वीज वापरली याची माहिती मिळणार आहे. सोलापूर शहरातील सव्वादोन लाख ग्राहकांपैकी सुमारे ५० हजारापर्यंत ग्राहकांनी ते मीटर बसविले आहे.