पंढरपूर(सोलापूर): कोरोनाचा वाढता संसर्ग विचार घेऊन जिल्हा प्रशासनाने यंदाची कार्तिकी यात्रेसाठी निर्बंध घातले आहेत. त्यातच 25 व 26 नोव्हेंबर रोजी पंढरपूर शहरात परिसरातील आठ गावांमध्ये संचार बंदी लागू केली आहे. दरम्यान, पंढरपुरातून एसटीची प्रवाशी वाहतूक सुरूच ठेवण्याचा निर्णय घेण्यात आला आहे.
यात्रा काळात एसटीची प्रवाशी वाहतूक ही पुणे रोडवरील चंद्रभागा बस स्थानकावरून सुरू ठेवण्यात येणार आहे, अशी माहिती येथील आगार प्रमुख सुधीर सुतार यांनी दिली.
कोरोनामुळे आषाढी प्रमाणे प्रतिकात्मक पध्दतीने कार्तिकी यात्रा साजरी करण्याचे आवाहन जिल्हा प्रशासनाने भाविकांना केले आहे. यात्रा काळात भाविकांनी पंढरपुरात येऊ नये, असेही जाहीर केले आहे. याच पार्श्वभूमीवर पंढरपुरात संचार बंदी लागू केली. मठांमध्ये राहण्यास प्रतिबंध करण्यात आला आहे. बाहेर गावचे भाविक यात्रा काळात पंढरपुरात येऊ नये यासाठी पोलिसांनी त्रिस्तरीय नाकाबंदीचे नियोजन केले आहे.
त्यातच रविवारी (ता.22) रात्री 12 ते 26 नोव्हेंबरच्या रात्री 12 वाजे पर्यंत पंढरपूरकडे येणारी आणि बाहेर जाणारी प्रवाशी वाहतूक बंद ठेवण्यात येणार असल्याचे जिल्हा पोलिस प्रशासनाकडून सांगण्यात आले होते. परंतु आज एसटी अधिकाऱ्यांच्या झालेल्या बैठकीत यात्रा काळात एसटीची प्रवाशी वाहतूक सुरू ठेवण्यात संदर्भात निर्णय घेण्यात आला आहे.
दरम्यान, प्रवाशी वाहतूक ही कोरोनाचे सर्व नियम व अटी पाळून केली जाणार आहे. शासनाकडून आणि एसटी विभागाकडून आलेल्या सुचना नुसार पुढील कार्यवाही केली जाईल असेही आगार प्रमुख श्री.सुतार यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
