Solapur Crime: विडिओ व्हायरलची धमकी देऊन विद्यार्थिनीचे अपहरण; बार्शीतील धक्कादायक प्रकार, लग्न अन् अत्याचार, काय घडलं वाचा..

बार्शी शहर : फोटो व व्हिडिओ व्हायरल करण्याची धमकी देत बीटेक शिकत असलेल्या २१ वर्षीय विद्यार्थिनीचे अपहरण केले. तिचे जबरदस्तीने लग्न लावून अत्याचार केला. या प्रकरणी एकूण ९ जणांविरुद्ध गुन्हा दाखल करण्यात आला आहे..बार्शी शहर परिसरात राहणारी मुलगी असून ती बीआयटी कॉलेज येथे बीटेकचे शिक्षण घेत आहे. कॉलेजमध्ये तिची सूरज मोरे (रा. गोरमाळे, ता. बार्शी) याच्याशी ओळख झाली होती. त्याच दरम्यान गणेश टेकाळे (रा. अलिपूर रोड, माऊली चौक, बार्शी) याने तरुणीचे फोटो व व्हिडिओ असल्याचे सांगत ते सोशल मीडियावर व्हायरल करण्याची धमकी दिली. .शुक्रवारी (ता. ६) दुपारी सुमारे १२.३० वाजता, बायपास रोडवरील विश्वा मंगल कार्यालयाजवळ तरुणी उभी असताना गणेश टेकाळे हा चारचाकी गाडी (एम एच १३ - सीएस १२४६) घेऊन आला. त्याने धमकी देत तरुणीला गाडीत बसवले. आणि तिचा मोबाईल बंद करून तिला जबरदस्तीने बार्शी-येरमाळा मार्गे बीडकडे नेले. तेथे त्याने अजय अस्वले (रा. बीड) याला सोबत घेतले. यानंतर संध्याकाळी अहिल्यानगर येथे दुसऱ्या गाडीतून सूरज मोरे, प्रदीप काळे व भैय्या (पूर्ण नाव माहिती नाही) हे आले. .त्यांनी देखील तरुणीला व्हिडिओ व्हायरल करण्याची आणि जीवे मारण्याची धमकी दिली. जबरदस्तीने दुसऱ्या गाडीत बसवले. त्यानंतर आरोपींनी तिला रात्री मुंबई येथे नेले. मुंबईत सूरज मोरे याने तिच्याशी लग्न करण्याचा दबाव टाकत धमक्या दिल्या. दुसऱ्या दिवशी ७ मार्च रोजी सकाळी आरोपी तिला आळंदी (पुणे) येथे घेऊन गेले आणि सूरज मोरेसोबत जबरदस्तीने लग्न लावले. लग्नानंतर आरोपींनी तरुणीला पनवेल (मुंबई) येथे नेऊन एका खोलीत ठेवले. तेथे तिला मारहाण करण्यात आली. तसेच ७ ते ९ मार्च दरम्यान तिच्या इच्छेविरुद्ध सूरजने शारीरिक संबंध ठेवले, असे फिर्यादीत म्हटले आहे..तरुणीवर बार्शीत झाले उपचारअखेरीस आरडाओरड केल्यानंतर आरोपींनी तिला पांगरी पोलिस ठाण्यात आणले. त्या वेळी तरुणीची प्रकृती बिघडल्याने तिला उपचारासाठी दवाखान्यात दाखल करण्यात आले. पुढे बार्शीतील जगदाळे मामा हॉस्पिटल येथे उपचारानंतर तिने संपूर्ण प्रकार कुटुंबीयांना सांगितला आणि पोलिसांत तक्रार दिली. बार्शी तालुका ग्रामीण पोलिस ठाण्यात गणेश टेकाळे, सूरज मोरे, धीरज मोरे, अजय अस्वले, प्रदीप काळे, भैय्या, सूरज मोरेची मावशी (गाटे आडनाव), तिचा मुलगा तसेच सूरज मोरेची बहीण प्रियांका यांच्याविरुद्ध गुन्हा दाखल केला आहे. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories