उ.सोलापूर : जुलै महिन्यातील पहिला पंधरवडा उलटला तरी डिसेंबर महिन्यातील उसाची रक्कम अद्याप शेतकऱ्यांना मिळाली नाही. जिल्ह्यातील आठ कारखान्यांनी शेतकऱ्यांची ८५ कोटी रुपयांची रक्कम थकविली आहे. गेल्या पंधरवड्यात सर्वात जास्त रक्कम थकविणाऱ्या जय हिंद शुगरने शेतकऱ्यांचे पाच कोटी रुपये दिले. मात्र सिद्धेश्वर सहकारी व गोकूळ शुगर या कारखान्यांनी एक छदामही दिला नाही.