Sugarcane rate Announced: कारखानदारांकडून आज ऊसदर जाहीर; प्रादेशिक साखर सहसंचालक प्रकाश अष्टेकर यांची माहिती

सोलापूर : जिल्ह्यातील साखर कारखानदारांनी १५ डिसेंबर रोजी ऊसदराचा निर्णय कळवू, असे नऊ डिसेंबरला झालेल्या ऑनलाइन आढावा बैठकीत दिल्याचे प्रादेशिक साखर सहसंचालक प्रकाश अष्टेकर यांनी सांगितले आहे. .Rajesh Kshirsagar : दहावी, बारावी परीक्षा कडक शिस्तीत होणार : राजेश क्षीरसागर.जिल्ह्यातील साखर कारखाने सुरू होऊन महिना उलटत आला तरी अद्याप ऊसदर जाहीर केला नाही. दरम्यान, जिल्ह्यातील विठ्ठल व विठ्ठलराव शिंदे साखर कारखान्यांनी प्रतिटन साडेतीन हजार रुपये ऊसदर देण्याचे जाहीर केले असतानाही इतर साखर कारखानदारांनी ऊसदराबाबत मौन बाळगले आहे. .कारखान्याला ऊस जाऊनही कारखानदार किती दर देणार याबाबत काहीच शाश्वती नसल्याने शेतकऱ्यांतून संताप व्यक्त होत आहे. तसेच शेतकरी संघटनांनी आंदोलनाचा इशारा देऊनही विधानसभा निवडणुकीच्या निकालातून मोकळे झाल्यावरही साखर कारखानदार ऊसदराबाबत ब्र काढण्यास तयार नाहीत. या पार्श्वभूमीवर जनहित शेतकरी संघटनेचे अध्यक्ष प्रभाकर देशमुख यांनी साखर सहसंचालकांना निवेदनाद्वारे आंदोलनाचा इशारा दिला होता..साखर कारखानदारांनी अद्याप ऊसदर जाहीर केला नाही. १५ डिसेंबर रोजी ऊसदराचा निर्णय कळवू, असे बैठकीत सांगितले आहे, असे साखर सहसंचालकांनी जनहित संघटनेचे देशमुख यांना कळविले आहे.तसेच विठ्ठल व विठ्ठलराव शिंदे या दोन्ही साखर कारखान्यांच्या निर्णयानुसार सर्व कारखान्यांना प्रतिटन साडेतीन हजार रुपये ऊसदर देण्याचे बंधनकारक करावे, अन्यथा गाळप परवाना रद्द करण्याची मागणी देशमुख यांनी केली आहे..Sugar Factories : ‘ज्ञानेश्वर’ची गाळपात आघाडी, ‘स्वामी समर्थ’च्या गाळपाची प्रतीक्षा; उसाची पळवापळवी सुरू.तसेच मागील एफआरपी दिली नसताना येडेश्वरी, गोकुळ शुगरला गाळप परवाना कसा दिला? असा सवाल साखर सहसंचालकांना विचारला आहे. तर गत हंगामात बऱ्याच कारखान्यांनी एफआरपी ऊसगाळपानंतर १५ दिवसांत दिले नाही. त्यांच्याकडून १५ टक्के व्याजासह ऊसबिल मिळवून देण्याची मागणीही केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.