प्रकाशाच्या सणासाठी राबताहेत 'विशेष हात'

कोल्हापूर : अपंगावर मात करत, नेटाने उभे राहायचे असा ध्यास घेतलेल्या विशेष विद्यार्थ्यांच्या शाळेत सध्या दिवाळीची जोरदार तयारी सुरू आहे. आपल्या जीवनातील अंधार दूर करून समाजात प्रकाश निर्माण करण्यासाठी आकाश कंदील, उटणे, पणत्या तयार करण्यास या विशेष मुलांनी सुरवात केली आहे. 

जिज्ञासा विकास मंदिर आणि राही पुनर्वसन केंद्र, प्रौढ विशेष मुलांची कार्यशाळा ही गेली 28 वर्ष या विशेष मुलांसाठी काम करते. केवळ शिक्षण नाही, तर या विद्यार्थ्यांमध्ये आत्मविश्वास निर्माण करण्यासाठी ही संस्था प्रयत्न करत आहे. साधारणतः दिवाळीच्या चार महिना आधी ही मुले पणती रंगवणे, आकाश कंदील तयार करणे, उटणे तयार करण्याचा कामात मग्न असतात.

- Nobel Prize 2019 : सीमावादाची भिंत तोडणाऱ्या शांतिदूताचा सन्मान!

निळा, पिवळा, केसरी, जांभळा असे रंग त्यांच्या जीवनात रंग भरण्याचे काम करतात. सकाळी शाळेला आले की पहिलं आवडीचं काम म्हणजे पणती रंगवणे, आकाश कंदील बनवण्यासाठी कागद कापणे, उटणे तयार करून पॅकिंग करणे. दिवाळी सण म्हणजे यांच्यासाठी विशेष पर्वणीचाच जणू. वेगवेगळे रंग आणि एकत्र मिळून काम यामुळे या मुलांचा दिवस प्रत्येक दिवस आनंदात आणि आवडीचे काम करण्यात जातो.

- वडलांचा राजकीय वारसा समर्थपणे सांभाळणाऱ्या कन्या

प्रत्येकाच्या जीवनात सणाच्या निमित्ताने प्रकाश आणणाऱ्या या मुलांच्या जीवनात प्रकाश निर्माण करण्याची आता गरज आहे. त्यासाठी प्रत्येकाने एक पाऊल पुढे आले पाहिजे. त्यांनी तयार केलेली वस्तू खरेदी करून या मुलांच्या आयुष्यात आणखी एक प्रकाशाचा किरण आपण आणू शकतो. दिवाळीच्या निमित्ताने आपण अनेक वस्तू खरेदी करतो. या विशेष मुलांनी तयार केलेली वस्तू खरेदी करून या मुलांच्या कार्य-कर्तृत्वाला आपण नक्कीच प्रोत्साहन देण्याचे काम करू शकतो.

- Happy Birthday Big B : महानायकाच्या 77 व्या वाढदिवशी वाचा त्यांचे गाजलेले 77 डायलॉग्ज!

विशेष मुलांच्यात ही काही तरी करण्याची जिद्द असते. आणि या जिद्दीला बळ देण्याचे काम या संस्थेत होते. यातूनच या मुलांच्या हातातून अशा अनेक सुंदर सुंदर वस्तू साकारतात. अशा मुलांनी तयार केलेल्या या वस्तूला समाजातूनही चांगला प्रतिसाद मिळतो.
- स्मिता दीक्षित, संस्थापिका, जिज्ञासा विशेष मुलांची शाळा