टाकवे बुद्रुक - अभिनेते धर्मेंद्र यांच्या निधनामुळे मावळतील त्यांच्या फार्महाउसशेजारील औंढे खुर्द गाव आणि परिसरात हळहळ व्यक्त होत आहे. ते या गावाच्या मातीत, शेतीत रमले होते. .लोणावळ्याशेजारील या गावाच्या बाजूला धर्मेंद्र यांनी १९८५ मध्ये शंभर एकर जमीन खरेदी करून फार्महाऊस बांधले होते. त्यांनी विविध भाज्यांची लागवड केली होती. अनेकदा ते छायाचित्रे, चित्रफिती शेअर करत..गेल्या काही दिवसांपासून त्यांची प्रकृती चिंताजनक होती, परंतु त्याआधी त्यांचा शेतीतील वावर, हसतमुख चेहरा, आम्हाला केलेली मदत कदापी विसरू शकत नाही, अशी भावना अनेक ग्रामस्थांनी व्यक्त केली..‘धर्मेंद्र निसर्गमित्र होते. गावच्या यात्रेसाठी वर्गणी, शाळेसाठी देणगी द्यायचे. काही कार्यक्रम असेल तेव्हा ते आवर्जून उपस्थित राहात असत,’’ असे ग्रामस्थ दिनेश खाडे यांनी सांगितले..जिल्हा परिषद शाळेचे पाच वर्ग १९९७ मध्ये धर्मेंद्र यांच्या योगदानातून झाले. मुंजाबा घाट करण्यासाठी डंपर, जेसीबीची सोय त्यांच्यामुळे झाली. महाशिवरात्रीनिमित्त गेल्या ३० वर्षांपासून त्यांच्याकडून महाप्रसादाचे वाटप व्हायचे. गावच्या तळ्याचे खोदकाम आणि रुंदीकरणासाठीही त्यांनी योगदान दिले.- भगवान घनवट, ग्रामस्थ.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
