बँकेची पावणे 3 कोटींची फसवणूक; माजी नगरसेवकासह दहा जणांवर गुन्हा

पिंपरी : श्री छत्रपती अर्बन को-ऑप. बँकेची बनावट कागदपत्रे तयार करून दोन कोटी 69 लाख 83 हजार 855 रुपयांची फसवणूक केल्याप्रकरणी माजी नगरसेवकासह दहा जणांवर गुन्हा दाखल करण्यात आला आहे. ही घटना पिंपळे निलख येथे घडली.

- पूजाच्या हत्येचा कट? रूम भाड्याचा करार ते आत्महत्या; घटनाक्रमामुळे संशय

माजी नगरसेवक व बँकेचे अध्यक्ष विलास एकनाथ नांदगुडे, मुख्य कार्यकारी अधिकारी व व्यवस्थापक देवेंद्र मोहन बारटक्के, रवींद्र सोनवणे, बँक अधिकारी गायत्री देशपांडे, बँक कशियर हेमलता नांदगुडे , स्मिता कदम, कर्जदार ज्ञानदेव बबन खेडकर, रामलिंग केदारी, तेजस जाधव, यशवंत जगन्नाथ पाटील अशी गुन्हा दाखल झालेल्या आरोपींची नावे आहेत.या प्रकरणी भगवान तुकाराम धोत्रे (वय 51 रा. मु. पो. देहूगाव, ता. हवेली, जि. पुणे) यांनी सोमवारी (ता. 15) सांगवी पोलिस ठाण्यात फिर्याद दिली आहे.

- Petrol Price: पुण्यात पेट्रोलच्या शतकाला अवघ्या काही 'धावा' उरल्या

ही घटना 1 एप्रिल 2012 ते 31 मार्च 2014 या कालावधीमध्ये श्री छत्रपती अर्बन को ऑप बँक लिमिटेडच्या विशाल नगर, पिंपळे निलख येथील शाखेत घडली. आरोपींनी आपसात संगणमत करून खोटे व बनावट कागदपत्रे तयार केली. ही कागदपत्रे श्री छत्रपती अर्बन को-ऑप. बँक लिमिटेडच्या पिंपळे निलख येथील शाखेत दिली. या कागदपत्रांच्या आधारे आरोपींनी कर्ज आणि ठेवीत गैरव्यवहार करून खोटे हिशोब नोंदवले. यातून बँकेची दोन कोटी 69 लाख 83 हजार 855 रुपयांची स्वतःच्या आर्थिक फायद्यासाठी बँकेचे सभासद ठेवीदार निबंधक यांचा विश्वासघात करून फसवणूक केली. सांगवी पोलिस अधिक तपास करीत आहेत.

- पुणे विद्यापीठाचं ठरलं! परीक्षा ऑनलाइन होणार की ऑफलाइन केलं जाहीर