Bhushan Pradhan: 'या' अभिनेत्रीच्या प्रेमात पडलाय भूषण प्रधान? व्हिडीओ पाहून नेटकरी म्हणाले, "लवकर लग्न करा!"

Bhushan Pradhan: अभिनेता भूषण प्रधान (Bhushan Pradhan) हा मराठी सिनेसृष्टीतला चॉकलेट बॉय म्हणून ओळखला जातो. भूषण हा त्याच्या अभिनयानं नेहमीच प्रेक्षकांची मनं जिंकतो. काही दिवसांपूर्वी त्याचा जुनं फर्निचर (Juna Furniture) हा चित्रपट प्रेक्षकांच्या भेटीला आला. या चित्रपटामुळे सध्या भूषण चर्चेत आहे. चित्रपटाबरोबरच भूषण हा त्याच्या अभिनयामुळे देखील चर्चेत आहे. भूषणचं नाव सध्या एका अभिनेत्रीसोबत जोडलं जात आहे. ही अभिनेत्री कोण आहे? याबद्दल जाणून घेऊयात...

'या' अभिनेत्रीसोबत जोडलं जातंय भूषणचं नाव

भूषणचा आणि अभिनेत्री अनुषा दांडेकरचा (Anusha Dandekar) एक व्हिडीओ सोशल मीडियावर व्हायरल झाला आहे. या व्हिडीओमध्ये अनुषा आणि भूषण हे रोमँटिक पोज देताना दिसत आहेत. या व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे. अशातच हा व्हिडीओ पाहिल्यानंतर नेटकरी भूषणचं नाव अनुषासोबत जोडत आहेत. भूषण आणि अनुषा हे एकमेकांना डेट करत आहेत, अशी चर्चा सोशल मीडियावर सध्या होत आहेत.

नेटकरी म्हणाले, "लवकर लग्न करा!"

भूषण आणि अनुषा दांडेकर यांच्या सोशल मीडियावर व्हायरल झालेल्या व्हिडीओला एका नेटकऱ्यानं कमेंट केली, "तुम्ही दोघे क्युट दिसत आहात, लवकर लग्न करा!" तर दुसऱ्या युझरनं कमेंट केली, "made for each other"

पाहा व्हिडीओ:

भूषण आणि अनुषा यांनी जुनं फर्निचर या चित्रपटात एकत्र काम केलं आहे. या चित्रपटात महेश मांजरेकर यांनी प्रमुख भूमिका साकारली आहे. या चित्रपटात अनुषानं भूषणच्या पत्नीची भूमिका साकारली आहे. काही वर्षांपूर्वी अनुषा ही अभिनेता करण कुंद्राला डेट करत होती. पण करण आणि अनुषाचा ब्रेकअप केला. आता अनुषाचं नाव भूषणसोबत जोडलं जात आहे तर करण हा सध्या तेजस्वी प्रकाशला डेट करत आहे.