धक्कादायक ! डोक्यात लोखंडी खांबाने वार आणि चाकूने हल्ला ; क्राईम पेट्रोल फेम अभिनेता गंभीर जखमी

Latest News : क्राईम पेट्रोल फेम अभिनेता राघव तिवारीवर जीवघेणा हल्ला करण्यात आला. शनिवार 4 जानेवारीला ही धक्कादायक घटना घडली. मुंबईमधील वर्सोवा येथे ही धक्कादायक घटना घडली. धारदार शस्त्रांनी राघववर हल्ला करण्यात आला. याप्रकरणी पोलिसांनी आरोपीला अटक केली आहे. .काय घडलं नेमकं ?शनिवारी राघव त्याच्या मित्राबरोबर शॉपिंग करून घरी येत होता. तेव्हा रस्ता ओलांडताना एका बाईकला तो धडकला. राघवाची चूक असल्याने त्याने लगेच माफी मागितली आणि तो पुढे गेला. परंतु दुचाकीस्वाराने त्याला शिवीगाळ करत चाकूने त्याच्यावर हल्ला करण्याचा प्रयत्न केला. यातून राघवन स्वतःचा बचाव केला पण आरोपीने लाथ मारताच तो खाली पडला. त्यानंतर आरोपीने गाडीच्या डिक्कीतून दारूची बाटली आणि लोखंडी खांब काढला. राघवन स्वतःला वाचवण्यासाठी रस्त्यावरील लाकडाची काठी उचलली आणि त्याच्या हातावर वार केला. त्यामुळे दारूची बाटली खाली पडली पण आरोपीने लोखंडी खांबाने डोक्यावर दोनदा वार केला. ज्यामुळे त्याला गंभीर दुखापत झाली आहे. .या हल्ल्यानंतर राघवच्या मित्राने त्याला तात्काळ हॉस्पिटलमध्ये भरती केलं. त्यानंतर पोलीस ठाण्यात तक्रारही नोंदवण्यात आली. मोहम्मद जैद परवेझ शेख यांच्याविरोधात पोलिसांनी कलम 118 (1) आणि 352 अंतर्गत तक्रार दाखल करण्यात आली असून अद्याप त्याला अटक करण्यात आली नाहीये. .या घटनेनंतर सादर आरोपी राघवच्या बिल्डिंगखालीही घुटमळत असल्याचं अभिनेत्याने सांगितलं. "माझ्या आणि माझ्या कुटूंबाला काही झालं तर संपूर्ण चूक पोलिसांची असेल" असं अभिनेत्याने म्हटलं आहे. आता पोलीस काय कारवाई करणार याकडे सगळ्यांचं लक्ष लागून राहिलं आहे. .दरम्यान राघवने आजवर क्राईम पेट्रोल व्यक्तिरिक्त काही वेब सिरीजमध्ये काम केलं आहे. मेरी कॉम, द पुष्कर लॉज यांसारख्या सिनेमांमध्येही त्याने काम केलं आहे. .Abhijeet Bhattacharya : महात्मा गांधींचा अपमान पडला भारी ; गायक अभिजीत भट्टाचार्यला पाठवली कायदेशीर नोटीस .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.