हॉरर, सस्पेन्स, थ्रीलर...'द राजा साब'टीझर पाहिलात का? संजय दत्त खलनायकाच्या भूमिकेत, 'या' दिवशी प्रदर्शित होणार चित्रपट

'द राजा साब' सिनेमाची उत्सुकता सर्वांना अनेक दिवसांपासून लागली होती. या चित्रपटात प्रभास हा मुख्य भूमिकेत पहायला मिळणार आहे. प्रभासचे आदिपुरुष, कल्की हे चित्रपट हवे तसे चालले नाहीत. त्यामुळे आता द राजा साब चित्रपटात प्रभास आपल्या अभिनयाची छाप पाडतो का हे पाहणं महत्त्वाचं ठरणार आहे.

'द राजा साब' या चित्रपटाचा टीझर रिलीज झाला आहे. या टीझरमध्ये प्रभाससोबत बॉलिवूडचा प्रसिद्ध अभिनेता संजय दत्त पहायला मिळाला होता. परंतु टीझरमधून प्रभासपेक्षा संजय दत्तने लाइमलाइट लुटलीय. या चित्रपटात संजय दत्त खलनायकाच्या भूमिकेत पहायला मिळणार आहे.

प्रभासच्या आगामी 'द राजा साब' सिनेमाच्या टीझरमध्ये प्रभास दिसतोय. अशातच प्रभास एका मुलीच्या प्रमात पडतो. पुढे टीझरमध्ये मोठा वाडा दाखवण्यात आलाय. या वाड्यात संजय दत्त आक्रमक भूमिकेत दाखवण्यात आलाय. तसंच पुर्वजांचा या वाड्यामध्ये संजय दत्तचा अनोखा इतिहास असतो.

पुढे टिझरमध्ये प्रभास वाड्यात येते. त्याच वेळी त्याची गाठ ही संजय दत्तशी पडते. या वाड्यातील हॉरर आणि संजय दत्तचं रहस्य काय हे चित्रपट पाहिल्यानंतर कळणार आहे. हा चित्रपट हॉरर, कॉमेडी आणि रोमँटिक असणार आहे. मालिवका मोहनन, रिद्धी कुमार, निधी अग्रवाल सुद्धा या चित्रपटात पहायला मिळणार आहे.

'द राजा साब' हा चित्रपट 5 डिसेंबर 2025 रोजी प्रेक्षकांच्या भेटीला येणार आहे. या चित्रपटात हॉरर, सस्पेन्स आणि रोमान्स पहायला मिळणार आहे. या सिनेमातील संजय दत्तांचा त्या वाड्याशी आणि प्रभासशी काय संबंध आहे. हे पाहण्यासाठी काही महिन्यांची प्रतीक्षा करावी लागणार आहे.