Freedom At Midnight: 'फ्रिडम एट मिडनाइट' चा फर्स्ट लूक आऊट; जवाहरलाल नेहरूंच्या भूमिकेत 'हा'अभिनेता

Freedom At Midnight: 'फ्रिडम एट मिडनाइट' (Freedom At Midnight) ही वेब सीरिज लवकरच प्रेक्षकांच्या भेटीला येणार आहे.
Freedom At Midnight
Freedom At Midnightesakal

Freedom At Midnight: विविध विषयांवर आधारित वेब सीरिज प्रेक्षकांच्या भेटीला येत असतात. अशातच आता नव्या वेब सीरिजची घोषणा करण्यात आली आहे.'फ्रिडम एट मिडनाइट' (Freedom At Midnight) ही वेब सीरिज लवकरच प्रेक्षकांच्या भेटीला येणार आहे. या वेब सीरिजचा फर्स्ट लूक रिलीज करण्यात आला आहे. यामधील कलाकारांच्या लूकनं अनेकांचे लक्ष वेधले आहे.

कलाकारांच्या लूकनं वेधलं लक्ष

'फ्रिडम ॲट मिडनाईट' ही वेब सीरिज सध्या चर्चेत आहे. या वेब सीरिजमध्ये सिद्धांत गुप्ता पंडित जवाहरलाल नेहरू यांच्या भूमिकेत आहे, तर चिराग वोहरा हा 'महात्मा गांधी' यांच्या भूमिकेत आहे. तसेच राजेंद्र चावला हा 'सरदार वल्लभभाई पटेल' यांच्या भूमिकेत दिसत आहेत. या वेब सीरिजमधील तिघांच्या लूकला नेटकऱ्यांच्या पसंती मिळत आहे.

सिद्धांत गुप्ता शेअर केला लूक

इंस्टाग्राम अकाउंटवर सिद्धांत गुप्ता, चिराग वोहरा आणि राजेंद्र चावला यांच्या 'फ्रिडम ॲट मिडनाईट' या वेब सीरिजमधील कलाकारांच्या लूकचा फोटो सिद्धांतनं शेअर केला आहे. या फोटोला त्यानं कॅप्शन दिलं, "मी फ्रिडम ॲट मिडनाईट-डोमिनिक लॅपीअर आणि लॅरी कॉलिन्सचा पहिला लूक शेअर करत आहे. देशाच्या स्वातंत्र्याची कहाणी सांगताना मला खूप अभिमान आणि सन्मान वाटतो."

Freedom At Midnight
Heeramandi: दोन वर्षात संसार मोडला, कॅन्सरशी लढा अन् आता झाली 'मल्लिका जान'; 'हिरामंडी'मधील अभिनेत्रीचा थक्क करणारा प्रवास

कधी रिलीज होणार सीरिज?

'फ्रिडम ॲट मिडनाईट' ही वेब सिरीज लॅरी कॉलिन्स आणि डॉमिनिक लॅपियर यांनी लिहिलेल्या याच नावाच्या पुस्तकावर आधारित आहे. ही सीरिज लवकरच Sony Liv या ओटीटी प्लॅटफॉर्मवर रिलीज होणार आहे.

सिद्धांत गुप्ताने 'स्कॅम 1992' या वेब सीरिजमध्ये काम केले होते. तसेच 'ज्युबिली' मधील त्याच्या अभिनयाचं अनेकांनी कौतुक केलं. आता तो जवाहरलाल नेहरूंच्या भूमिकेत दिसणार आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com