Pushpa 2 The Rule: 'पुष्पा 2'च्या पहिल्या गाण्याचा प्रोमो आऊट; 'या' दिवशी "पुष्पा-पुष्पा" येणार प्रेक्षकांच्या भेटीला

Pushpa Pushpa Song: 'पुष्पा 2: द रुल' (Pushpa 2: The Rule) चित्रपटाच्या निर्मात्यांनी त्यांच्या सोशल मीडिया अकाउंटवर पुष्पा-2 या चित्रपटामधील 'पुष्पा पुष्पा' या पहिल्या गाण्याचा प्रोमो रिलीज केला आहे. देवी श्री प्रसाद उर्फ ​​रॉकस्टार डीएसपी यांनी संगीतबद्ध केलेले हे गाणे अल्लू अर्जुनच्या (Allu Arjun) पुष्पा राजच्या पात्रासाठी कमालीचं सुंदर आहे यात शंका नाही. 'पुष्पा: द राईज' चित्रपटाचे संगीत जगभर लोकप्रिय झाल्या नंतर आता 'पुष्पा पुष्पा' या गाण्याची प्रेक्षक उत्सुकतेने वाट बघत आहेत.

कधी रिलीज होणार "पुष्पा-पुष्पा" गाणं?

"पुष्पा पुष्पा" हे पूर्ण गाणे 1 मे रोजी प्रदर्शित होणार असून आता फक्त प्रोमो बघून प्रेक्षकांचं लक्ष वेधून घेतलं आहे. प्रेक्षकांनी या बद्दल उत्सुकता व्यक्त केलं असून या बद्दल अनेक खास कॉमेंट्स केल्या आहेत.

पाहा प्रोमो:

डीएसपीचे आगामी प्रोजेक्ट्स

रॉकस्टार डीएसपीच्या आगामी प्रोजेक्ट्सची प्रेक्षक उत्सुकतेने वाट बघत आहेत. 15 ऑगस्ट रोजी रिलीज होणाऱ्या 'पुष्पा 2: द रुल' व्यतिरिक्त डीएसपीकडे सुरिया स्टारर 'कंगुवा', राम चरणचा 'आरसी 17' आहे, पवन कल्याणचा 'उस्ताद भगत सिंग' हे प्रोजेक्ट्स आहेत. कुमार स्टारर 'गुड बॅड अग्ली', धनुषचा 'कुबेरा' आणि नागा चैतन्यचा 'थंडेल' असे अनेक प्रोजेक्ट्स डीएसपीकडे आहेत.

पुष्पा 2चं बजेट किती?

पुष्पा 2 या चित्रपटाचं बजेट 500 कोटींच्या आसपास पोहोचले आहे. या चित्रपटातील 6 मिनिटांच्या एका सीनसाठी चित्रपटाच्या निर्मात्यांनी 60 कोटी रुपये खर्च केले आहेत, असं म्हटलं जात आहे.