Salman Khan: गॅलेक्सी अपार्टमेंट गोळीबार प्रकरणावर पहिल्यांदाच बोलली सलमानची एक्स गर्लफ्रेंड; म्हणाली,"माझी आई आणि मी..."

Salman Khan: बॉलिवूडमधील प्रसिद्ध अभिनेता सलमान खानच्या (Salman Khan) घराबाहेर काही दिवसांपूर्वी गोळीबार झाला. या प्रकरणामुळे देशभरात खळबळ माजली. अशातच आता सलमान खानच्या एक्स गर्लफ्रेंडनं या घटनेवर पहिल्यांदाच प्रतिक्रिया दिली. गॅलेक्सी अपार्टमेंटवरील गोळीबार प्रकरणाबाबत सलमानची एक्स गर्लफ्रेंड नक्की काय म्हणाली? याबद्दल जाणून घेऊयात...

काय म्हणाली सोमी अली?

सलमान खानची एक्स गर्लफ्रेंड सोमी अलीनं नुकत्याच एका मुलाखतीत गॅलेक्सी अपार्टमेंटवरील गोळीबार प्रकरणावर प्रतिक्रिया दिली. ती म्हणाली, "माझ्या ब्रेकअपनंतर मी वयाच्या 24 व्या वर्षी अमेरिकेत आले, हे अनेकांना माहित असेल. काही दिवसांपूर्वी सलमानसोबत जे काही घडत आहे, माझ्या शत्रूला देखीस असा त्रास होऊ नये, असं मला वाटतं. माझ्या प्रार्थना त्याच्या पाठीशी आहेत. असं कोणाहीसोबत घडू नये, असं मला वाटतं मग ते कुणीही असो, सलमान असो, शाहरुख असो किंवा माझा शेजारी असो."

"सलमान किंवा त्याच्या कुटुंबीयांना कोणताही त्रास होऊ नये, यासाठी मी प्रार्थना करतो. जेव्हा मला आणि माझ्या आईला ही घटना कळली तेव्हा आम्हाला धक्काच बसला.", असंही सोमी म्हणाली.

सलमान खानची एक्स गर्लफ्रेंड सोमी अली ही तिच्या बॉलिवूड कारकिर्दीला अलविदा केल्यानंतर मानवी तस्करी आणि घरगुती हिंसाचाराबद्दल जागरुकता निर्माण करण्यासाठी काम करत आहे. सोमी ही सलमान खानसोबत रिलेशनशिपमध्ये होती, पण दोघांनी नंतर ब्रेकअप केलं. सोमीने बॉलिवूड इंडस्ट्रीत 1993 मध्ये कृष्ण अवतार या ॲक्शन-ड्रामा चित्रपटाद्वारे पदार्पण केले, ज्यामध्ये तिने मिथुन चक्रवर्ती सोबत काम केलं. तसेच तिनं अंत,तीसरा कौन?,आओ प्यार करे या चित्रपटात देखील काम केलं.