'ये सिर्फ कपड़ा नहीं, अभिमान है'; श्रद्धा कपूरच्या 'ईठा'चा ट्रेलर प्रदर्शित, विठाबाईंच्या भूमिकेतील लूक पाहून चाहते थक्क!

EETHA TRAILER FEATURING SHRADDHA KAPOOR AND RANDEEP HOODA: आज दादरच्या प्लाझा सिनेमागृहात कलाप्रेमींची मोठी गर्दी पाहायला मिळाली. निमित्त होतं महाराष्ट्राची शान आणि लावणीसम्राज्ञी विठाबाई नारायणगावकर यांच्या आयुष्यावर आधारित 'ईठा' या आगामी चित्रपटाच्या ट्रेलर लाँचचं! ट्रेलर पाहण्यासाठी सकाळपासूनच मीडियाने प्लाझा सिनेमागृहाबाहेर गर्दी केली होती. मराठमोळ्या पथकाच्या गजरात आणि लावणीच्या ठेक्यावर चित्रपटातील कलाकारांनी कार्यक्रमस्थळी दमदार एन्ट्री केली. मात्र, सगळ्यांच्या नजरा लागल्या होत्या त्या ईठाकडे!