

vijay antony
esakal
आपल्या मुलांचं निधन आपल्या डोळ्यासमोर पाहणं हा कोणत्याही आईवडिलांसाठी अत्यंत वाईट प्रसंग असतो. ज्यांना तळहाताच्या फोडाप्रमाणे जपतो ते असे आपल्याला कायमचे सोडून जाताना पाहणं आईवडिलांसाठी मुळीच सोपं नसतं. असंच दाक्षिणात्य अभिनेता विजय अँटनी याने आपल्या १६ वर्षीय मुलीला गमावलं. सप्टेंबर २०२३ मध्ये विजय अँटनीची मोठी मुलगी मीरा हिने राहत्या घरात आत्महत्या करत स्वतःला संपवलेलं. त्याने अभिनेत्याला मोठा धक्का बसला होता. अजूनही तो या धक्क्यातून सावरलेला नाही. लेकीच्या निधनानंतर त्याने एक भावुक निर्णय देखील घेतला. विजयची पत्नी फातिमा हिने त्याच्या आगामी चित्रपटाच्या प्रीमिअरमध्ये याबद्दल सांगितलंय.