Financial Awareness : मुलांवर लहानपणापासून हवेत आर्थिक संस्कार; आईची भूमिका ठरते मोलाची!

- नंदिनी वैद्य

Family Finance Tips : मुलांवर आर्थिक संस्कार करायचे असतील तर सर्वांत सोपा आणि परिणामकारक उपाय म्हणजे आईने स्वतःवर आधी हे संस्कार केले असले पाहिजेत. यासंदर्भात आर्थिक उदाहरण द्यायचे झाले, तर आईला आधी गुंतवणुकीच्या विविध पर्यायांची माहिती असेल, कोणत्या वेळी कोणती गुंतवणूक योग्य ठरेल याचे ज्ञान असेल तर ती मुलाला ते शिकवू शकेल. आता मुलांमध्ये आर्थिक सजगता आणायची असेल तर सर्वप्रथम त्यांना काटकसरीने कसे जगावे, हे शिकवावे लागेल.