काय आहे गणेशाच्या उपासनेचा पासवर्ड
काय आहे गणेशाच्या उपासनेचा पासवर्डEsakal

धडे बाप्पाचे, २१ मार्ग यशाचे : काय आहे गणेशाच्या उपासनेचा पासवर्ड

श्रीगणेशाच्या दहा दिवसाच्या उपासनेचा, उत्सवाचा आज पहिला दिवस. कार्यारंभी स्मरण केले जाणारे ते श्रीगणेश.... सध्याच्या कलियुगात प्रमुख दैवत मानले जाणारे ते श्रीगणेश

‘गं’ म्हणत असताना मधल्या अकाराला दिलेल्या वेळेदरम्यान अंतरजिव्हा म्हणजे पडजीभ वरचा मार्ग बंद करते, जेणेकरून मेंदूजलामध्ये एक प्रकारचा दाब उत्पन्न होतो, ज्यामुळे मेंदूतील दोष दूर होतात त्यामुळेच ‘गं गणपतये’ मंत्राच्या उच्चाराने सर्व पापांची निवृत्ती होते ...वाचा श्रीगुरु डॉ. बालाजी तांबे यांचे विवेचन

श्रीगणेशाच्या (Shree ganesh) दहा दिवसाच्या उपासनेचा, उत्सवाचा आज पहिला दिवस. कार्यारंभी स्मरण केले जाणारे ते श्रीगणेश.... सध्याच्या कलियुगात प्रमुख दैवत मानले जाणारे ते श्रीगणेश,... शरीरातील पहिल्या चक्राच्या - मूलाधाराच्या ठिकाणी स्थित असणारे ते श्रीगणेश आणि सर्व विश्र्वाची उत्पत्ती ज्या नादातून झाली त्या ॐकाराचे स्वरूप म्हणजेही श्रीगणेश. (Secrets of Lord Ganesha described by Sri Guru Balaji Tambe)

ज्ञानेश्र्वर माउलींनी गणपतीची प्रार्थना करताना म्हटले आहे.....

अकार चरण युगुल, उकार उदर विशाल ।

मकार महामंडळ, मस्तकाकारे ।।

वेदांमध्ये गणपतीला ‘ब्रह्मणस्पती’ नावाने संबोधलेले आहे. शिव, दुर्गा, ब्रह्मा आदी देवतांच्या श्रेणीतील एक देवता आहे, ब्रह्मणस्पती-गणपती. वाणी व संवादाचे अधिष्ठान असलेल्या या देवतेच्या पूजनाने तैलबुद्धी, निर्णयक्षमता आणि न्यायबुद्धीची प्राप्ती होते. श्रीगणेशाच्या वेगवेगळ्या नावांवरूनच त्याच्या वेगवेगळ्या क्षमतांची, शक्तींची माहिती मिळते.

उच्च कोटीची ग्रहणशक्ती आणि वेगवान लेखनकौशल्य असणारा, लेखणी तुटली असता लिहिण्यात खंड पडू नये म्हणून स्वतःचा दात उपटून त्याची लेखणी करणारा तो एकदंत; सर्व प्रकारच्या सिद्धी, शक्ती व संपदेचा कारक असणारा तो सिद्धिविनायक; सर्व विघ्न, दुःख दूर करणारा तो विघ्नेश्र्वर; सर्व गणांचा नेता (मास लिडर) आणि सर्व नकारात्मक शक्तींवर नियंत्रण ठेवणारा तो गणपती; पृथ्वीतत्त्व व मंगळग्रहावर प्रभाव असणारा तो अंगारक; संवादासाठी, विचारांना शब्दरूप देण्यासाठी ज्याची उपासना करावी तो वाचस्पती.

Loading content, please wait...

Related Stories

No stories found.
Esakal Marathi News
www.esakal.com