Millet Recipes
sakal
वाढप
४ व्यक्तींसाठी
साहित्य
दीड वाटी ज्वारी, ५ ते ६ हिरव्या मिरच्या, पाव वाटी ओले खोबरे, प्रत्येकी १ चमचा धने आणि जिरे पूड, थोडी चिंच, पाव चमचा हळद, अर्धा चमचा मोहरी, पाव चमचा हिंग, फोडणीसाठी तेल, २ चमचे गोडा मसाला, चवीनुसार मीठ.
कृती
ज्वारी दोन दिवस भिजत घालावी. तिसऱ्या दिवशी फडक्यात बांधून उबदार जागी ठेवून तिला मोड आणावेत. नेहमीप्रमाणे तेलाची फोडणी करून त्यात हिरव्या मिरच्यांचे तुकडे आणि मोड आलेली ज्वारी घालून चांगले परतावे. मग त्यात गरम पाणी घालून चांगले शिजवावे. यानंतर त्यात ओले खोबरे, चिंच, गूळ, धने व जिरे पूड आणि मीठ घालून चांगले उकळावे. उसळीला रस्सा हवा असेल तर त्यानुसार पाणी घालावे. चांगले शिजल्यानंतर त्यावरून बारीक चिरलेली कोथिंबीर घालावी आणि उसळ सर्व्ह करावी.