कोरोनाग्रस्तांच्या संख्येत वाढच; पुणे विभागाने ओलांडली शंभरी : डॉ. दीपक म्हैसेकर

पुणे : पुणे विभागात कोरोना सांसर्गिक रुग्णसंख्या 3 एप्रिलअखेर 101 झाली आहे. त्यात पुणे 57, पिंपरी चिंचवड 14, सातारा 3, सांगली 25 आणि कोल्हापूर येथील दोन रुग्ण पॉझिटीव्ह असल्याची माहिती विभागीय आयुक्त डॉ. दीपक म्हैसेकर यांनी दिली.

- बातम्या ऐकण्यासाठी डाऊनलोड करा ई-सकाळचे ऍप

डॉ. म्हैसेकर म्हणाले, तपासणीसाठी 2 हजार 18 संशयित रुग्णांचे नमुने तपासणीसाठी प्रयोगशाळेत पाठविण्यात आले होते. त्यापैकी 1 हजार 878 नमुन्यांचे अहवाल प्राप्त झालेले असून, 140 जणांचे अहवाल प्रतिक्षेत आहे. प्राप्त अहवालापैकी 1 हजार 777 नमुने निगेटीव्ह आहेत. तर, 101 नमुने पॉझिटीव्ह आहेत. आतापर्यंत 18 रुग्णांना बरे झाल्यामुळे रुग्णालयामधून घरी सोडण्यात आले आहे. 

- 'तबलिगी जमात'मध्ये आले होते ४१ देशांचे नागरिक; ९६० जणांची यादी जाहीर!

पुणे विभागामधील 8 हजार 178 प्रवाशांपैकी 3 हजार 996 प्रवाशांबाबत पाठपुरावा सुरू असून, 4 हजार 282 प्रवाशांबाबत पूर्ण झालेला आहे. पुणे विभागात आजपर्यंत 15 लाख 61 हजार 992 घरांचे सर्वेक्षण पूर्ण करण्यात आले आहे. त्याअंतर्गत 72 लाख 87 हजार 291 व्यक्तींची तपासणी करण्यात आली आहे. त्यापैकी 490 व्यक्तींना अधिक तपासणीसाठी सांगण्यात आले आहे.

- Fight with Corona : कोरोनावर मात करण्याच्या मोहिमेत केदार जाधवही!

पुणे विभागात एकूण 88 ठिकाणी क्वारंटाइन सुविधा निर्माण करण्यात आली आहे. या ठिकाणी एकूण 12 हजार 848 बेडस उपलब्ध आहेत. तसेच 52 ठिकाणी आयसोलेशन सुविधा निर्माण करण्यात आली असून, या ठिकाणी एकूण 2 हजार 167 बेडस उपलब्ध आहेत.