Corona Updates: विमानाने पुण्यात आलेले 21 प्रवासी आढळले कोरोना पॉझिटिव्ह

सकाळ वृत्तसेवा
Thursday, 3 December 2020

चाचणी करतेवेळी यावेळी या प्रवाशांचा संपर्क क्रमांक घेतला जातो. चाचणीचा अहवाल पॉझिटिव्ह आल्यानंतर त्यांना आणि पालिका प्रशासनाला कळवून पुढील कार्यवाही केली जात आहे.

पुणे : कोरोनाच्या वाढत्या प्रसाराला रोखण्यासाठी काही राज्यांतून विमानाने पुण्यात येणाऱ्या प्रवाशांची तपासणी केली असता त्यात 21 जण कोरोना पॉझिटिव्ह आढळले आहेत. कोरोनाची टेस्ट केल्याचा अहवाल नसलेल्या 507 प्रवाशांची विमानतळावर चाचणी करण्यात आली होती.

पुण्यात हवाला व्यवहारावर मोठी कारवाई; कोट्यवधी रूपयांची रोकड जप्त

दिल्ली, राजस्थान, गुजरात आणि गोवा राज्यांतील विमान प्रवाशांची आरटीपीसीआर चाचणी बंधनकारक करण्यात आली आहे. त्या अनुषंगाने ही तपासणी करण्यात आली आहे. देशातील काही राज्यांमध्ये दिवाळीपूर्वी कोरोनाचा जोर ओसरला होता. मात्र काही राज्य त्यास अपवाद ठरली. त्यामुळे त्या राज्यातून विमानाने पुण्यात येणाऱ्यांनी स्वतःची कोरोना तपासणी करून घेणे बंधनकारक आहे. ज्यांची टेस्ट झालेली नाही, त्यांची येथे उतरल्यानंतर टेस्ट करण्यात येत आहे.

Video: 'जर लव्ह जिहाद कराल, तर...'; मुख्यमंत्र्यांनी दिला धमकीवजा इशारा

पुणे विमानतळावर एक डिसेंबरपर्यंत दिल्लीतून सर्वाधिक 12 हजार 240 प्रवासी पुण्यात आले आहेत. त्यानंतर राजस्थानमधून 972 आणि गुजरातमधील 560 प्रवासी पुण्यात आले आहेत. तर या कालावधीत गोव्यातून एकही विमान शहरात आले नाही. चाचणी करतेवेळी यावेळी या प्रवाशांचा संपर्क क्रमांक घेतला जातो. चाचणीचा अहवाल पॉझिटिव्ह आल्यानंतर त्यांना आणि पालिका प्रशासनाला कळवून पुढील कार्यवाही केली जात आहे. रेल्वे प्रवाशांना लक्षणे दिसल्यास स्थानकावरच अँटीजेन चाचणी केली जात आहे.

Farmers Protest: आंदोलनाचा चेहरा बनलेल्या सुखदेव यांनी सांगितलं 'त्या' फोटोमागील सत्य!​

विमानतळावर दाखल झालेल्या एकूण 13 हजार 772 प्रवाशांपैकी 507 प्रवाशांकडे आरपीसीआर चाचणीचा अहवाल नव्हता. त्यांची विमानतळावर चाचणी करण्यात आली. त्यापैकी 21 जणांना कोरोनाची लागण झाल्याचे समोर आले आहे. हे प्रमाण सुमारे चार टक्के आहे.
- कुलदीप सिंग, विमानतळ संचालक

विमानतळावरील चाचण्यांची स्थिती
ठिकाण आणि एकूण प्रवासी
गुजरात - 560
दिल्ली - 12,240
राजस्थान - 972
एकूण - 13,772
आरटीपीसीआर - 507
बाधित - 21

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 21 passengers who arrived in Pune by plane found Corona positive