पुणे : वाळूच्या हद्दीवरून वाद, डोक्यात वार करून तरुणाचा खून

देऊळगाव राजे : मलठण (ता.दौंड) हद्दीतील वाळू काढताना हद्दीच्या वादातून शिरापूर येथील निखिल संतोष होलम (वय २६) या तरुणाचा खून केल्याची घटना उघडकीस आली आहे. आरोपींनी निखिल यांच्या डोक्यावर वार करुन त्याचा मृतदेह पाण्यात फेकून दिला.

- ताज्या बातम्यांसाठी डाऊनलोड करा ई-सकाळचे ऍप

याप्रकरणी दौंङ पोलिसांनी आठ जणांवर खून आणि खंडणीचा गुन्हा दाखल केला आहे. यातील दोन आरोपींना अटक करण्यात आली आहे, अशी माहिती पोलिस निरीक्षक सुनील महाडीक यांनी दिली.  

- राज्यातील मेट्रो प्रकल्प दहा वर्षातच ठरतील पांढरे हत्ती : जयंत पाटील

या प्रकरणी नितीन लवंगारे,लाला आमनर यांना अटक केली असून गणेश शेंडगे, प्रकाश दळवी, राहुल शेंडगे, अमोल लवंगारे (सर्व रा. मलठण, ता.दौंड) तसेच इतर दोन अनोळखी इसमांवर गुन्हा दाखल केला आहे.

- मुलीच्या बुरख्यावर ए. आर. रेहमानचं स्पष्टीकरण

याबाबत रमेश होलम यांनी फिर्याद दाखल केली आहे. अटक केलेल्या दोन आरोपींना दौंड न्यायालयाने २८ फेब्रुवारीपर्यंत पोलिस कोठडी दिली आहे. इतर आरोपी मात्र फरार आहेत. पुढील तपास पोलिस निरीक्षक महाडीक करीत आहेत.