Valentines Day : ‘व्हॅलेंटाइन’चा आनंद होणार द्विगुणित ; ४० जोडप्यांचा नोंदणी पद्धतीने ‘प्रेमविवाह’

पुणे : ‘व्हॅलेंटाइन डे’चा आनंद द्विगुणित करून हा दिवस कायमस्वरूपी आठवणीत राहावा म्हणून काही प्रेमीयुगुले प्रेमविवाहाचा संकल्प सोडतात आणि तो १४ फेब्रुवारी रोजी सिद्धीस नेतात. बुधवारी (ता. १४) पुणे शहर आणि जिल्ह्यातील ४० प्रेमीयुगुले नोंदणी पद्धतीने विवाह करणार आहेत.

मंगळवारी (ता. १३) सायंकाळी पाच वाजेपर्यंत यासाठी आगाऊ ऑनलाइन नोंदणी केलेल्यांची संख्या ३३ होती. रात्री उशिरा ती ४० पर्यंत जाईल, असे जिल्हा विवाह नोंदणी अधिकारी संगीता जाधव-पठारे यांनी सांगितले.

चार वर्षांतील

नोंदणी विवाह

२०२० : ८२

२०२१ : आकडा उपलब्ध नाही

२०२२ : ४०

२०२३ : ४४