पुणे, पिंपरीतील ७० टक्के हॉटेल बंदच !

सनील गाडेकर
Saturday, 7 November 2020

‘मिशन बिगिन अगेन’अंतर्गत परवानगी मिळाल्याने शहरातील अनेक व्यवसाय पुन्हा सुरू झाले. त्यात हॉटेल व्यवसायासाठी सध्या सकारात्मक परिस्थिती आहे. मात्र, ग्राहकांचा चांगला प्रतिसाद मिळेल की नाही, याची भीती व कोरोनामुळे बसलेल्या आर्थिक झटक्‍यातून न सावरल्याने पुणे व पिंपरी-चिंचवडमधील ७० टक्के हॉटेल्स अद्यापही बंदच आहेत.

पुणे - ‘मिशन बिगिन अगेन’अंतर्गत परवानगी मिळाल्याने शहरातील अनेक व्यवसाय पुन्हा सुरू झाले. त्यात हॉटेल व्यवसायासाठी सध्या सकारात्मक परिस्थिती आहे. मात्र, ग्राहकांचा चांगला प्रतिसाद मिळेल की नाही, याची भीती व कोरोनामुळे बसलेल्या आर्थिक झटक्‍यातून न सावरल्याने पुणे व पिंपरी-चिंचवडमधील ७० टक्के हॉटेल्स अद्यापही बंदच आहेत. 

ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

गेल्या पाच ऑक्‍टोबरपर्यंत शहरातील सर्व हॉटेल, बार आणि रेस्टॉरंट केवळ पार्सल सेवेपुरती मर्यादित होती. त्यानंतर हॉटेल जेवणास खुली करून एक महिना पूर्ण झाला. या काळात केवळ ३० टक्केच हॉटेल सुरू झाली. त्यातील व्यवसाय हा कोरोनापूर्वीच्या तुलनेत ४० टक्‍क्‍यांपर्यंत आला आहे. औंध, बाणेर, बालेवाडी, हिंजवडी, विमाननगर, मगरपट्टा, खराडी आणि कल्याणीनगर अशा आयटी परिसरातील अनेक हॉटेल्स आजही बंद आहेत. सध्या ५० टक्के क्षमतेने व्यवसाय सुरू करण्याची परवानगी दिली आहे. त्यामुळे अडीच लाखांपैकी ८० ते ९० हजार कर्मचारी कामावर हजर आहेत. हॉटेल पूर्ण क्षमतेने सुरू करण्याची परवानगी मिळाल्यास व्यवसायाचे प्रमाण आणि कामगारांची संख्या वाढण्याची शक्‍यता आहे.

महत्त्वाची बातमी: MBBS, BDSच्या जागा जाहीर; विद्यार्थ्यांमध्ये अॅडमिशनसाठी रंगणार चुरस

पुणे आणि पिंपरी-चिंचवडमधील आठ हजार हॉटेल, रेस्टॉरंट आणि बारमधून दरवर्षी ५०० ते ६०० कोटी रुपयांची उलाढाल होते. त्यातील ३० टक्के उलाढाल सुरळीत झाली आहे, अशी माहिती पुणे रेस्टॉरंट ॲण्ड हॉटेलियर्स असोसिएशनने दिली.

हृदयद्रावक : वडिलांनी शर्थीचे प्रयत्न करूनही मुलगा बुडाला

हॉटेल का आहेत बंद?

  • ग्राहकांचा अपेक्षित प्रतिसाद न मिळण्याची भीती 
  • लॉकडाउनकाळात झालेले आर्थिक नुकसान 
  • केवळ ५० टक्के व्यवसाय सुरू करण्यास परवानगी 
  • आयटीतील कर्मचाऱ्यांना दिलेले वर्क फॉर्म होम 
  • हॉटेल पुन्हा सुरू करण्यासाठी नसलेले भांडवल  

व्यावसायिकांच्या मागण्या

  • रात्री दीडपर्यंत हॉटेल्स सुरू करण्यास 
  • परवानगी द्यावी
  • कामकाजाची क्षमता ७५ टक्‍क्‍यांपर्यंत वाढवावी

मोठी बातमी : विद्यार्थी-शिक्षकांची दिवाळी होणार आणखी गोड; दिवाळीच्या सुट्टीत वाढ

ग्राहकांचा प्रतिसाद आणि व्यवसायातील उलाढाल हळूहळू वाढत आहे. मात्र, आजही ७० टक्के हॉटेल्स बंद आहेत. रात्री नऊनंतर गर्दी कमी होते. ५० टक्के क्षमतेने व्यवसाय सुरू असल्याने ३० ते ४० टक्केच कामगार ठेवले आहेत. त्यामुळे अनेकांचा रोजगार थांबला आहे. कामकाजाच्या क्षमतेचे प्रमाण आणि हॉटेलच्या वेळा वाढविणे गरजेचे आहे.  
- गणेश शेट्टी, अध्यक्ष, पुणे रेस्टॉरंट ॲण्ड हॉटेलियर्स असोसिएशन

गेल्या काही दिवसांपासून ग्राहकांचा प्रतिसाद वाढत आहे. मात्र, अजूनही व्यवसाय पूर्वीसारखा नाही. नागरिकांच्या मनात कोरोनासारखी भीती आहे. मात्र, ग्राहक आणि व्यावसायिकही सर्वच योग्य काळजी घेत आहेत. दिवाळीनंतर परिस्थिती सुधारेल, अशी आशा आहे.
- राजेश गोस्वामी, हॉटेल व्यावसायिक

Edited By - Prashant Patil


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 70 percent of hotels in Pune Pimpri are closed