दौंडकरांना कोरोनाच्या लढाईत मोठे यश

दौंड (पुणे) : दौंड तालुक्यातील कोरोना विषाणू बाधितांचा आकडा सहाशेपार झाला असून, त्यापैकी ७१.१४ टक्के नागरिक उपचारानंतर बरे झाले आहेत. तालुक्यात आज सहा जणांना कोरोना विषाणूची बाधा झाली असून, त्यामध्ये माजी उपनगराध्यक्षांच्या पत्नीचा समावेश आहे.

आता एलपीजी सिलिंडर बुकिंग व्हाॅट्सअपवर
                
दौंड तालुक्यात २९ एप्रिल ते ७ ऑगस्ट या १०१ दिवसांच्या कालावधीत तब्बल ६२७ बाधितांपैकी ४४६ जण उपचारानंतर बरे झाले आहेत. तालुक्याच्या ग्रामीण भागात एकूण २९३ जणांना बाधा झाली व त्यापैकी तब्बल २१९ जण उपचारानंतर बरे झाले आहेत. दौंड शहरात १ मे ते ७ ऑगस्ट या कालावधीत एसआरपीएफ, आयआरबीच्या पोलिसांसह एकूण ३३४ जणांना कोरोनाची बाधा झाली होती. शहराच्या बहुतांश सर्व भागात बाधित रूग्ण आढळले असून, उपचारानंतर एसआरपीएफ व आयआरबीच्या सर्व पोलिसांसह एकूण २२७ जण बरे झाले आहेत. दौंड शहरातील १५ आणि ग्रामीण भागातील ७, असे एकूण २२ जणांचा मृत्यू झाला आहे. 

पोलिस बनून हाॅटेलमध्ये शिरले, जेवले अन्...

दौंड तालुक्याच्या ग्रामीण भागात ८ ऑगस्ट रोजी एकेरीवाडी व केडगाव येथे प्रत्येकी दोन, असे एकूण चार जणांना बाधा झाल्याची माहिती दौंड तालुका आरोग्य अधिकारी डॅा. अशोक रासगे यांनी दिली. दौंड शहरातील एक महिला व एक पुरूष यांना बाधा झाल्याची माहिती दौंड उप जिल्हा रूग्णालय अधीक्षक डॅा. संग्राम डांगे यांनी दिली.

दौंडमध्ये म्हशीला झालं जुळं

दौंड तालुक्यात सक्रिय बाधितांची संख्या १५९ असून त्यामध्ये दौंड शहरातील ९२ व ग्रामीण भागातील ६७ नागरिकांचा समावेश आहे. या बाधितांवर दौंड शहरातील दोन कोविड केअर सेंटर, यवत व स्वामी चिंचोली येथील कोविड केअर सेंटर आणि विविध खासगी रूग्णालयांमध्ये उपचार सुरू आहेत. तर काही बाधितांचे त्यांच्या घरातच विलगीकरण करून उपचार सुरू आहेत. दौंड उप जिल्हा रूग्णालयात तातडीने कोरोनाचे निदान करण्यासाठी १०० रॅपिड अँटिजेन डिटेक्शन किट उपलब्ध झाले आहेत. ज्यांची कोरोना चाचणी करणे फार तातडीचे आहे, त्यांच्याकरिता हे किट वापरले जात आहेत.