Daund news : बंधाऱ्यावरून पडून तरुणाचा मृत्यू

राहू : दहिटणे (ता. दौंड) येथील योगेश काळूराम कोळपे (वय ३८) हा शुक्रवारी (ता. १) रात्री दहा वाजण्याच्या सुमारास खामगावच्या दिशेने गेला होता. दहिटणे येथे परत येताना धोकादायक बंधाऱ्यावरून तोल जाऊन योगेश नदीपात्रात पडला.

तासाच्या प्रतीक्षेनंतर गावातील नागरिक, नातेवाइकांनी नदीपात्रात शोधमोहीम सुरू केली व एक तासानंतर तो सापडला. त्याला त्वरित यवत ग्रामीण रुग्णालयात नेण्यात आले. मात्र, उपचारापूर्वीच डॉक्टरांनी योगेशला मृत घोषित केले.

याप्रकरणी योगेशचे वडील काळूराम तुकाराम कोळपे यांनी यवत पोलिसात फिर्याद दिली. योगेश याच्या मागे पत्नी आणि मुलगी असा परिवार आहे. त्याची आर्थिक परिस्थिती हलाखीची आहे.