'आरटीई'ला बसला कोरोनाचा फटका; फक्त १४ टक्के प्रवेश झाले निश्चित!

पुणे : शिक्षण हक्क कायद्यानुसार (आरटीई) आर्थिकदृष्टया दुर्बल घटकातील विद्यार्थ्यांकरिता राखीव असणाऱ्या २५ टक्के जागांवरील प्रवेश प्रक्रियेला यंदा कोरोनामुळे चांगलाच फटका बसल्याचे पाहायला मिळाले. महिनाभरामध्ये पहिल्या सोडतीत निवडलेल्या एक लाख ९२६ विद्यार्थ्यांपैकी केवळ ३८.८७ टक्के विद्यार्थ्यांना तात्पुरता, तर केवळ १४.२५ टक्के विद्यार्थ्यांना निश्चित प्रवेश मिळाला आहे.

- 'अभ्यासक्रम कमी केला, तशी 'फी' पण कमी करा'; शिक्षणमंत्र्यांकडे कुणी केली मागणी?

जुलै महिना संपत आला, तरीही २५ टक्के राखीव जागांवरील प्रवेश प्रक्रियेला गती न मिळाल्याने पालक हवालदिल झाले आहेत. राज्यातील नऊ हजार ३३१ शाळांमधील एकूण एक लाख १५ हजार ४४९ राखीव जागांसाठी ही प्रवेश प्रक्रिया राबविण्यात येत आहे. पहिल्या सोडतीतील केवळ ३९ हजार २२७
विद्यार्थ्यांना तात्पुरता प्रवेश, तर १४ हजार ३८६ विद्यार्थ्यांना आतापर्यंत निश्चित प्रवेश मिळालेला आहे. उर्वरित विद्यार्थी हे अद्यापही शाळा प्रवेशाच्या प्रतिक्षेत आहेत. कोरोनाचा वाढता संसर्ग लक्षात घेऊन प्रवेशासाठी शाळेत होणारी गर्दी टाळण्यासाठी प्रवेशाची नवी नियमावली आणि वेळापत्रक काही दिवसांपूर्वी जाहीर करण्यात आले. त्यानुसार ही प्रक्रिया सध्या राबविण्यात येत आहे.

- एक दोन नव्हे, तर तब्बल २२ भाषा बोलते 'ही' मराठी तरुणी!​

"आरटीई २५ टक्के राखीव जागांवरील प्रवेशाच्या पहिल्या सोडतीत मुलाचा क्रमांक लागल्याने आम्ही निर्धास्त होतो. परंतु कोरोनामुळे ही प्रवेश प्रक्रिया लांबल्याने आता काळजी वाटू लागली आहे. शाळांमध्ये ऑनलाईन शिक्षण सुरू झाले आहे. मात्र अद्याप आमच्या मुलाचा शाळा प्रवेशही झालेला नाही, त्यामुळे मुलाचे शैक्षणिक नुकसान तर होणार नाही ना, असे प्रश्न पडत आहेत."
- एक पालक

कायद्यानुसार २५ टक्के राखीव जागांवरील प्रवेशाचा आढावा : (काही जिल्ह्यातील आकडेवारी)

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)