सावत्र मुलीवर बलात्कार करणारा आरोपी निघाला गुन्हेगार

सावत्र मुलीवर बलात्कार करणारा आरोपी निघाला गुन्हेगार

वडगाव निंबाळकर : नऊ वर्षाच्या सावत्र मुलीवर बलात्कार करणारा तो नराधम चोरीच्या गुन्ह्यातील फरारी आरोपी असल्याचे तपासात निष्पन्न झाले आहे. बोकनगाव (ता. जि. लातूर) येथील रहिवासी असून त्याच्यावर लातूर येथील एटीएम सेंटर फोडल्याचा गुन्हा दाखल आहे.

गेल्या सहा वर्षांपासून फरारी आहे. बारामती तालुक्यातील मोरगाव जवळच्या शेरेवाडी येथे एका पोल्ट्रीवर तो कामाला होता. दरम्यानच्या काळात एका विधवा महिलेशी लग्न झाले. तिला दोन अपत्य थोरली मुलगी नऊ वर्षाचे आहे तिच्यावर घरात कोणी नसताना बलात्कार केला होता. पीडित मुलीने आजोळी जाऊन आपल्यावरील अन्यायाचा पाढा वाचला.

पोलिसांकडे फिर्याद दाखल केल्यावर तात्काळ सापळा लावून आरोपी रंगनाथ याला पोलिसांनी गजाआड करत बाल लैंगीक अत्याचार, बलात्कार ऍट्रॉसिटी अंतर्गत गुन्हे गुरूवार (ता. ८ रोजी) दाखल केले होते. न्यायालयाने ६ दिवसांची बुधवार (ता. १४) पर्यंत पोलिस कोठडी दिली. बलात्कार करणारा नराधम गुन्हेगार असल्याचे तपासात निष्पन्न झाले.

आरोपीला यापुढे न्यायालयीन कोठडी देण्यात आली आहे. उपविभागीय पोलिस अधिकारी नारायण शिरगावकर वडगाव निंबाळकर पोलिस ठाण्याचे सहाय्यक पोलिस निरीक्षक सोमनाथ लांडे फौजदार सुभाष मुंढे पोलिस हवालदार संजय मोहीते यांच्यासह वडगाव निंबाळकर पोलिस ठाण्यातील कर्मचारी यांनी तपासात महत्त्वाची भूमिका बजावली.

(संपादन : सागर दिलीपराव शेलार)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com