पुणे : इकडं लॉकडाउन जाहीर झाला; तिकडं गर्दी अन् भाववाढही झाली!

पुणे : पुणे जिल्ह्यात सोमवारपासून (ता.13) लॉकडाउन लागू होणार असल्याची घोषणा झाल्यावर भाजीपाला, फळे आदी वस्तूंच्या खरेदीसाठी बाजारपेठेत प्रचंड गर्दी झाल्याचे शुक्रवारी (ता.१०) सायंकाळी दिसून आले. त्याचा फायदा घेऊन कृत्रिम दरवाढ ही झाल्याचे दिसून आले.

- 'पुन्हा लॉकडाऊन नको, अन्यथा...'; पुणे व्यापारी महासंघाचं काय आहे म्हणणं?

उपमुख्यमंत्री अजित पवार यांच्या नेतृत्वाखाली बैठक झाल्यावर विभागीय आयुक्त डॉ. दीपक मैसेकर यांनी लॉकडाउनचा निर्णय जाहीर केला. भाजीपाला, किराणा, फळे, बेकरी प्रॉडक्ट आदींच्या खरेदीसाठी नागरिक घराबाहेर पडल्याने बाजारपेठेत प्रचंड गर्दी झाली. त्याचा फायदा घेऊन कृत्रिम भाववाढ झाली होती. भाजीपाल्याच्या दरांबाबत ही हीच परिस्थिती होती. पेट्रोल पंपांवरही वाहनांच्या रांगा लागल्या होत्या. तसेच पिठाच्या गिरण्या ही गर्दीने गजबजून गेल्या होत्या. डी-मार्ट ही ग्राहकांच्या गर्दीने फुल्ल झाल्याचे चित्र होते. वाईन शॉप पुढेही गर्दी झाली होती. 

- 'सारथी' संस्थेबाबत अजित पवारांची स्पष्ट भूमिका; काय म्हणाले पाहा!​

शनिवारी घाऊक मंडई बंद असते. त्या मुळे भाजीपाला खरेदीसाठी आजच गर्दी झाल्याचे दिसत होते. अनेक गृहरचना सोसायट्यांनी सोमवारपासून घरेलू कामगारांना प्रवेश नसेल, अशा सूचनाही नोटीस बोर्डवर लावण्यात आल्या होत्या. नुकतेच सुरू झालेले लघु आणि मध्यम उद्योग ही लॉकडाउनच्या निर्णयामुळे धास्तावले होते तर नेहमीची लागणारे औषधेही साठा करून घेण्याचे प्रमाण सायंकाळी दिसून आले. दरम्यान, लॉकडाउनच्या नेमक्या गाईडलाइन्स शनिवारी जाहीर होणार असल्याचे प्रशासनाने जाहीर केल्यामुळे त्या कडेही नागरिकांचे लक्ष लागले आहे.

- बेशिस्तपणामुळे आली पुन्हा लाॅकडाऊनची वेळ; उपमुख्यमंत्र्यांनी दिले स्पष्टीकरण​

सर्व बाजार बंद राहणार

कोरोना विषाणूच्या पार्श्‍वभूमीवर जिल्हा प्रशासनाने पुकारलेल्या लॉकडाऊनच्या काळात बाजार समितीच्या मार्केट यार्डातील मुख्य आवारातील सर्व बाजारांसह चारीही उपबाजार बंद राहणार असल्याची माहिती कृषी उत्पन्न बाजार समितीचे प्रशासक बी.जे. देशमुख यांनी दिली. अडते, कामगार, शेतकरी आणि सर्व घटकांनी याची नोंद घेऊन प्रशासनाला सहकार्य करण्याचे आवाहनही त्यांनी केले आहे.

- पुण्याच्या बातम्या वाचण्यासाठी येथे ► क्लिक करा

देशमुख म्हणाले, पूर्वी लॉकडाऊनच्या कालावधीतही बाजार सुरू असायचा. मात्र, कोरोनाच्या वाढत्या संसर्गाच्या पार्श्‍वभूमीवर जिल्हा प्रशासनाने हा निर्णय घेतला आहे. यानुसार शहरातील सर्व व्यवहार बंद राहणार आहेत. गुळ-भुसार, फळे, भाजीपाला आणि फुले विभाग बंद राहणार आहेत.

- ताज्या बातम्यांसाठी डाऊनलोड करा ई-सकाळचे ऍप

(Edited by : Ashish N. Kadam)