एका पावसात हवेचं प्रदूषण आलं निम्म्यावर; मुंबईच्या तुलनेत पुणे ठरलं वरचढ

पुणे : शहरात हवेतील सूक्ष्म धूलिकणांची संख्या (पीएम 10) गुरुवारच्या तुलनेत शुक्रवारी (ता.8) निम्म्याने घटलेली पाहायला मिळाली. गुरुवारी सूक्ष्म धुलिकणाचे प्रमाण 121 प्रति घनमीटर येवढे होते. तर, शुक्रवारी त्यात निम्म्याने घट होत 53 प्रति घनमीटर इतके नोंदले गेले. गुरुवारपासून (ता.7) पावसाने हजेरी लावली असून त्यामुळे शहरातील हवेची गुणवत्ता आता सुधारली आहे. 

- नवीन कोरोना विषाणूच्या पार्श्वभूमीवर अधिक खबरदारी घ्या : अजित पवार​

गेल्या अनेक दिवसांपासून शहरातील हवेचा दर्जा हा मध्यम श्रेणीत नोंदला जात होता, तो आता समाधानकारक श्रेणीत पोचला आहे. तर, मुंबईच्या तुलनेत सध्या पुण्याच्या हवेचा दर्जा चांगला असल्याचे पाहायला मिळाले. दरम्यान पुढील दोन दिवस शहरातील हवेचा दर्जा समाधानकारकच राहणार असल्याचा अंदाज 'सिस्टिम ऑफ एअर क्वालिटी अँड वेदर फॉरकास्टिंग अँड रिसर्च' (सफर) या संकेतस्थळातर्फे वर्तविण्यात आला आहे.

- पुण्यात अवकाळी पावसाची जोरदार बॅटिंग; पाहा कोठे कोठे झाला पाऊस

'सफर' या संकेतस्थळाच्या माध्यमातून देशातील चार राज्यांच्या हवेचा गुणवत्तेची नोंद केली जाते. त्यानुसार सध्या दिल्ली मुंबई आणि अहमदाबाद या तीन शहरांच्या तुलनेत पुणे शहराची हवेची गुणवत्ता चांगली आहे. सध्या होत असलेल्या पावसामुळे अतिसूक्ष्म धुलिकणांचे (पीएम 2.5) प्रमाण कमी झाले आहे. तसेच मंदावलेल्या वाऱ्याचा वेग त्याचबरोबर कमाल तापमानात होत असलेली वाढ यामुळे प्रदूषकांचा प्रसारसुद्धा कमी झाला आहे.

वार : हवेचा दर्जा (पीएम 10, प्रमाण प्रति घनमीटरमध्ये)
सोमवार : 128
मंगळवार : 115
बुधवार : 122
गुरुवार : 121
शुक्रवार : 53

- यंदा महाराष्ट्र केसरी ही मानाची स्पर्धा होणार; पण...​

शुक्रवारी अशी नोंदली गेली हवेची गुणवत्ता (प्रमाण क्‍युबिक घनमीटरमध्ये)

- पुण्यातील इतर बातम्या वाचण्यासाठी क्लिक करा

(Edited by: Ashish N. Kadam)