माजी उपमुख्यमंत्री आणि राज्याचे विरोधी पक्षनेते अजित पवार हे कायमच चर्चेत असतात. महाविकास आघाडी सरकारच्या काळात त्यांच्या वक्तशीरपणामुळे भल्याभल्यांची झोपच उडाली होती. पण हाच वक्तशीरपणा आता सरकार पडल्यावर कुठे गेला? असा प्रश्न तुम्हालाही पडू शकतो. (Ajit Pawar in Pune)
अजित पवार आज एका कार्यक्रमासाठी पुण्यात आले होते. प्रत्येक कार्यक्रमाला अगदी वेळेवर किंबहुना वेळेच्या थोडं आधीच पोहोचतात. अनेक नेत्यांनीही त्यांच्या या वक्तशीरपणाची प्रशंसा केली आहे. पण आज पुण्यातल्या एका कार्यक्रमाला मात्र अजित पवार उशीरा पोहोचले आहेत. एखाद-दुसरा मिनिट नव्हे तर तब्बल एक तास उशिरा अजित पवार कार्यक्रमासाठी पोहोचले आहे.
त्यामुळे आता महाविकास आघाडी सरकारच्या काळात घड्याळ्याच्या काट्यावर चालणारे अजित पवार (Ajit Pawar) सरकार पडल्यावर निवांत झालेत का? अशा चर्चा आता राजकीय वर्तुळात रंगू लागल्या आहेत. आता अजित पवारांना उशीर होण्यामागे काही कारण आहे की खरंचच थोडा निवांतपणा आलाय, हे पुढच्या कार्यक्रमांच्या वेळा पाहूनच कळेल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.