The tragic accident claimed 94 lives and is still remembered by local residents after 64 years.
Sakal
जुन्नर : जुन्नर तालुक्याच्या पश्चिम आदिवासी भागातील निमगिरी तळमाची परिसरातील दौंड्या (दावंड्याची) डोंगरावर विमान कोसळल्याच्या घटनेला मंगळवार ता. 7 जुलै रोजी 64 वर्षे पूर्ण होत आहेत. तत्कालीन काळामध्ये ही घटना विमानाचा सर्वात भीषण अपघात म्हणून ओळखली जात आहे. या अपघातात विमानातील 94 प्रवासी आणि कर्मचारी मृत्युमुखी पडले होते. मध्यरात्रीच्या सुमारास घडलेल्या या विमान दुर्घटनेच्या आठवणी आजही स्थानिकांच्या स्मरणात जिवंत आहेत.
