'तो' विमानाने पुण्यात यायचा अन् चोरी करुन जायचा

पुणे : 'तो' हैद्राबाद येथून विमानाने पुण्यासह अन्य राज्यातील  मोठ्या शहरात जात होता. त्या-त्या शहरात त्याचे साथीदार त्याला भेटत असे. त्यानंतर उच्चभ्रू सोसायटीतील सदनिकामध्ये चोरी करुन 'तो' त्याच दिवशी पुन्हा स्वगृही परतत असे. अशा या 'हायप्रोफाईल' चोरटयाने शहरातील 82 चोरीसह तब्बल 127 गुन्हे केले आहे, त्यातून तब्बल 37 लाख 73 हजार रूपयांचा मुद्देमाल जप्त करण्यात आला आहे. 

अरे कारट्या काय केलंस हे! खेळता खेळता मुलानेच आईला...

मुन्ना उर्फ सलीम कुरैशी (वय 46, रा.गोवंडी, मुंबई, मूळ रा. हैद्रबाद) असे अटक केलेल्या चोरटयाचे नाव आहे. याबरोबरच चोरी केलेला माल विक्री करणाऱ्या शरीफ मोहम्मद ख्वाजा मैनुद्दीन शेख, बिलाल उर्फ अशोक गोविन्द प्रधान, अब्दुल सत्तार मोहम्मद नजीर अहमद सत्तार, मोघल अन्वर अली करीम बेग, प्रभु कल्लापा नजवंडे (सर्व रा. हैद्रबाद) यांना ही अटक करण्यात आले आहे. 

हात सोडून 'बाईक' चालवणे जिवावर बेतले:दोन तरुणांचा मृत्यू 
 

सलीम हा मुळचा हैद्रबाद येथील रहिवासी आहे. तो विमानाने किंवा त्याच्या आलिशान कारने पुण्यात येत असे. त्यानंतर ईश्वर शिंदवळ यास जोडीला घेऊन शहरातील उच्चभृ सोसायटीतील सदनिकामध्ये चोरी करीत असे. त्यानंतर हैद्रबाद येथे जाऊन तेथील साथीदारांमार्फत सोने-चांदी, अन्य दागिने व वस्तु विक्री करीत असे. 

पुणे : नवी पेठेत रात्रीच्या वेळी पायी जाणाऱ्या तरुणीचा विनयभंग 
 

कुरेशीने एकूण 127 गुन्हे केले आहेत. त्यापैकी पुण्यात 82 चोरीचे गुन्हे केले, उर्वरित 47 गुन्हे मुंबई, दिल्ली व हैद्रबाद येथे करीत असे. त्याचयाकडुन 830 ग्रैम सोने, 6 किलो 275 ग्रैम चांदीसह 37 लाख 73 हजार रूपयांचा मुद्देमाल जप्त करण्यात आला आहे.

पुण्यात पेस्ट कंट्रोलमुळे दाम्पत्यचा मृत्यू; वाहतूककोंडीही मृत्यूस जबाबदार