पुण्यातील पोलिसच बनताहेत भक्ष्यक; 'ती' गेली मदत मागायला पण...

पुणे : घटस्फोटीत महिलेशी शारीरिक संबंध ठेवल्याबाबत गुन्हा दाखल झालेल्या सहायक पोलिस निरीक्षकाला पोलिस दलातून बडतर्फ करण्यात आले. विभागीय चौकशीत दोषी ठरल्याने सह पोलिस आयुक्त डॉ. रवींद्र शिसवे यांनी याबाबत बुधवारी (ता.२९) आदेश दिले आहेत.

- 'जिल्हा स्वच्छता मिशन'चा एका रात्रीत खेळ खल्लास; राज्यातील स्वच्छता कक्ष इतिहासजमा होणार!​

पतीविरुद्ध तक्रार देण्यासाठी एक महिला सहायक पोलिस निरीक्षक दत्तात्रय राजाराम मदने (वय ३६) याच्याकडे भेकराईनगर येथे आली होती. मदने याने तिच्या असहाय्यतेचा गैरफायदा घेऊन लग्नाचे आमिष दाखवून तिच्याशी शारीरिक संबंध ठेवले. लग्नाबाबत विचारणा केल्यानंतर मदणे याने तिला मारहाण करून जीवे मारण्याची धमकी दिली. याबाबत हडपसर पोलिस ठाण्यात गुन्हा दाखल झाला. त्यावेळी अटक करण्यासाठी गणवेश बदलण्यास सांगितले असता मदनेने पोलिस ठाण्यातून पलायन केले होते.

- मार्केटयार्डात भरदिवसा दिवाणजीला लुटले; वाचा चोरट्यांनी कसे लांबवले सव्वातीन लाख​

जप्त २८ लाख तपासात दाखवलेच नाही :
बेकायदेशीरपणे फॉच्युनर गाडी ताब्यात ठेवली. जप्त केलेले २८ लाख रुपये तपासात दाखवले नाही. त्यामुळे गुन्ह्याचा तपास संशयास्पद केल्याने आणि बेशिस्त वर्तनामुळे एक पोलिस निरीक्षक व सहायक पोलिस निरीक्षकाला दोन वर्षे वेतनवाढ रोखण्याची शिक्षा देण्यात आली आहे. विश्रामबाग पोलिस ठाण्यात दाखल असलेल्या फसवणुकीच्या गुन्ह्यात तपासात कसुरी केल्याबद्दल तत्कालीन वरिष्ठ पोलिस निरीक्षक श्रीकांत शिंदे आणि सहायक पोलिस निरीक्षक बापू रायकर यांना पोलिस आयुक्त डॉ. के. व्यंकटेशम यांनी ही शिक्षा दिली.

- सीओईपी येथे महापालिका उभारणार जम्बो हॉस्पिटल; वाचा कसं असणार हे हॉस्पिटल?​

जामीनासाठी एक लाख रुपये घेतले :
खुनाचा प्रयत्न केल्याप्रकरणी डेक्कन पोलिस ठाण्यात दाखल असलेल्या गुन्ह्यातील आरोपीला जामीन मिळवून देण्याचे आमिष दाखवले. तसेच आरोपीकडून एजंटशी संगनमत करुन एक लाख रुपये स्वीकारले म्हणून पोलिस उपनिरीक्षक संतोष केशव सोनवणे यांची तीन वर्षे वेतनवाढ रोखण्यात आली आहे. सोनावणे यांनी पोलिस खात्याची प्रतिमा मलिन करणारे वर्तन केल्याचे निदर्शनास आल्याने पोलिस आयुक्तांनी ही कारवाई केली.

- पुण्याच्या बातम्या वाचण्यासाठी येथे क्लिक करा