Pune: पुण्यात लवकरच ‘भारत टॅक्सी’; प्रवास होणार स्वस्त अन् सुरक्षित; ॲग्रिगेटर नियमावली अंतिम टप्प्यात

पुणे: राज्यातील ॲप-आधारित कॅब आणि टॅक्सी सेवांचे नियमन करणाऱ्या ‘ॲग्रिगेटर धोरणा’चे नियम निश्‍चित केले आहेत. यात नागरिकांकडून मागविलेल्या सूचनांचा अंतिम नियमावलीत समावेश केला जाणार आहे. हे काम या महिनाअखेर पूर्ण होऊन येत्या दोन महिन्यांत पुणे आणि मुंबईत ‘भारत टॅक्सी’ सुरू होईल. यासाठी सहकारी संस्थांची निश्‍चिती केली जाणार असून, याचा सभासद होणे अनिवार्य आहे.