दुचाकी चोरट्याला अटक; सात दुचाकी जप्त | Sakal
sakal

बोलून बातमी शोधा

भारती विद्यापीठ पोलिस

दुचाकी चोरट्याला अटक; सात दुचाकी जप्त

पुणे : शहराच्या वेगवेगळ्या भागातून दुचाकी चोरून त्यांची विक्री करणा-या चोरट्याला भारती विद्यापीठ पोलिसांनी अटक केली आहे. त्याकडून सात दुचाकी जप्त करण्यात आल्या आहेत.

हेही वाचा: पाच रुपयांत मनपा पीएमपीएलची बस सेवा

गणेश बाळू ओतारी (वय २३, रा. शिवाजीनगर, खंडाळा, जि. सातारा) असे अटक करण्यात आलेल्याचे नाव आहे. कात्रज भागातील व्यावसायिक अजय धरपाळे यांची दुचाकी २३ आॅगस्टच्या रात्री कात्रजमधील अंजलीनगर भागातून चोरीला गेली होती. पोलिसांकडून या प्रकरणाचा तपास करण्यात येत होता. दरम्यान कात्रजमधील एका गॅरेजजवळ ओतारी यांची चोरलेली दुचाकी घेऊन थांबल्याची माहिती पोलिस कर्मचारी अभिजित जाधव यांना मिळाली. पोलिसांनी ओतारीला ताब्यात घेऊन त्याची चौकशी केली. तेव्हा त्याने संबंधित दुचाकी कात्रजमधून चोरल्याची कबुली दिली.

हेही वाचा: किरीट सोमय्यांचा बारामती दौरा; जाणून घ्या त्यामागचं कारण

ओतारीकडे चौकशी करण्यात आली. तेव्हा त्याने चतु:शृंगी, कोथरूड, सातारा जिल्ह्यातील फलटण, लोणंद परिसरातून दुचाकी लांबविल्याची माहिती चौकशीत दिली. त्याच्याकडून एकूण सात दुचाकी जप्त करण्यात आल्या आहेत. वरिष्ठ पोलिस निरीक्षक जगन्नाथ कळसकर, गुन्हे शाखेतील निरीक्षक संगीता यादव, विजय पुराणिक यांच्या मार्गदर्शनाखाली उपनिरीक्षक नितीन शिंदे, अंकुश कर्चे, रवींद्र भोसले, रवींद्र चिप्पा, गणेश सुतार, सचिन पवार आदींनी ही कारवाई केली.

Web Title: Bike Thief Arrested Seized Seven Bikes Bharati Vidypith Police

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune NewsBike thief