ब्रेल लिपीतील बालगीतांच्या पुस्तकाचे प्रकाशन

पुणे - जागतिक दिव्यांग दिनाच्या निमित्ताने निवडक बालगीतांच्या ब्रेल लिपीतील पुस्तकाचे प्रकाशन करण्यात आले. विद्यानगर येथील निवांत अंध मुक्तालयाच्या वतीने सुमती भानुदास राजदेरकर संग्रहित या पुस्तकाचे प्रकाशन नुकतेच झाले. या पुस्तकाचे प्रकाशन एस.बी.आय. लाइफचे माहिती आणि तंत्रज्ञान विभागाचे अध्यक्ष आनंद पेजावर यांच्या हस्ते झाले.

ताज्या बातम्यांसाठी डाऊनलोड करा ई-सकाळचे एप

छोट्या बच्चेकंपनीसाठी असलेले हे पुस्तक निवांत संस्थेच्या वतीने ब्रेल लिपीमध्ये तयार केले आहे. कार्यक्रमाच्या सुरवातीला आनंद बडवे यांनी संस्थेबद्दल माहिती दिली. 

अंध विद्यार्थ्यांसाठी स्वलेखन ॲपचा उपयोग व्हावा म्हणून पेजावर यांनी एस.बी.आय. लाइफच्या वतीने ४ लाख ४६ हजार २५० रुपयांची मदत केली. याद्वारे ७५ मोबाईल खरेदी करण्यात येणार आहेत. गुंतवणूकतज्ज्ञ सुहास राजदेरकर म्हणाले, ‘‘प्रत्येक दिव्यांग व्यक्तीमध्ये एकतरी मोठा कलागुण असतो, जो त्यांनी ओळखून व प्रयत्नपूर्वक जोपासून लोकांसमोर आणला पाहिजे.’

हेही वाचा : हजाराची नोट येणार, दोन हजारांची जाणार ?

या वेळी कोथरूड आणि भोसरी येथील अंध मुलांसाठी असलेल्या शाळेमधील विद्यार्थ्यांनी, तसेच त्यांच्या संगीत शिक्षकांनी पुस्तकांमधील निवडक गाणी सादर केली. याप्रसंगी लेखिका सुधा मेनन, सुहासिनी राजदेरकर, प्रकाश बक्षी, ज्योती बक्षी, विवेक राजदेरकर, ‘निवांत’चे शंभराहून अधिक आजी व माजी विद्यार्थी, तसेच एस.बी.आय. लाइफचे वरिष्ठ अधिकारी दीपक गायकवाड, हेमलता घाडीगावकर, मारूथी नायडू आदी उपस्थित होते. आभार उमा बडवे यांनी मानले.