Boxing Tournament : बॉक्सिंग स्पर्धेत डोक्याला गंभीर दुखापत; रक्तस्रावामुळं कॅप्टन महालेंचं उपचारादरम्यान निधन

पुणे : खडकवासला (Khadakwasla) येथील राष्ट्रीय संरक्षण प्रबोधिनीतील कॅडेट कॅप्टन प्रथमेश महाले यांचे बुधवारी पुण्यातील कमांड हॉस्पिटलमध्ये उपचारादरम्यान निधन झाले. महाले हे महाराष्ट्रातील असून त्यांनी या प्रबोधिनीच्या १४५ व्या अभ्यासक्रमासाठी ११ एप्रिल २०२१ रोजी प्रवेश घेतला होता.

कॅप्टन महाले यांनी १६ ऑक्टोबरला सुरू झालेल्या इंटर स्कॉर्डन बॉक्सिंग स्पर्धेत (Inter Scordan Boxing Tournament) सहभाग घेतला होता. या स्पर्धेच्या वेळी त्यांच्या डोक्याला गंभीर दुखापत झाली होती. डोक्यातील अंतर्गत रक्तस्रावामुळे त्यांची प्रकृती गंभीर होती.

त्यामुळे त्यांना उपचारासाठी कमांड हॉस्पिटलमध्ये दाखल करण्यात आले होते. तेथे त्यांच्या डोक्यावर एक शस्त्रक्रियाही करण्यात आली. परंतु, अंतर्गत रक्तस्रावामुळे बुधवारी उपचारादरम्यान त्यांचे निधन झाले.