लोणी काळभोर (पुणे) : कोरोनासारख्या संकट काळात जिवाची पर्वा न करता मागिल नव्वद दिवसांपासून रात्रंदिवस झ़टणाऱ्या जिल्हा (ग्रामिण) पोलिस दलात कोरोनाने शिरकाव केला आहे. जिल्हा (ग्रामिण) पोलिस दलातील सासवड व लोणावळा, या दोन वेगवेगळ्या पोलिस ठाण्यातील प्रत्येकी एक, असे दोन कर्मचारी कोरोना पॉझिटिव्ह आढळून आले आहेत.
राज्यात कोरोनाबाधित पोलिसांची संख्या हजारावर पोचली असली, तरी जिल्हा पोलिस अधिक्षक संदीप पाटील यांच्या अचुक नियोजनामुळे जिल्हा ग्रामिण पोलिस दल कोरोनापासून दुर राहिले होते. मात्र, सासवड पोलिस ठाण्यातील एक चाळीस वर्षीय पोलिस कर्मचारी दोन दिवसांपूर्वी कोरोनाबाधित असल्याचे आढळून आले आहे. तर, लोणावळा पोलिस ठाण्याच्या हद्दीतील एक तीस वर्षीय पोलिस कर्मचारीही कोरोना पॉझिटिव्ह असल्याचे शुक्रवारी (ता. २६) निष्पन्न झाले आहे. सासवड पोलिस ठाण्यातील कोरोनाबाधित पोलिस कर्मचाऱ्याची पत्नी व दोन लहान मुलेही कोरोनाबाधित असल्याचे उघड झाले आहे.
राज्यातील कोरोनाबाधितांमध्ये शंभरहुन अधिक पोलिस अधिकारी, तर नऊशेहुन अधिक पोलिस कर्मचाऱ्यांचा समावेश आहे. आजपर्यंत अकरा पोलिस कर्मचाऱ्यांना कोरोनामुळे जीव गमवावा लागला आहे. शहरातही मागिल पंधरा दिवसाच्या काळात अनेक पोलिस कोरोना पॉझिटिव्ह असल्याचे आढळुन आलेले आहे. शहर पोलिस दलासह राज्यभऱात कोरोना पॉझिटिव्ह पोलिस आढळुन येत असले, तरी ग्रामिण पोलिस दल मात्र कोरोनापासून दुर होते. मात्र, मागिल तीन दिवसांत दोन पोलिस कर्मचारी व त्यांच्या घऱातील तीन व्यक्ती, असे पाच जण कोरोनाबाधित आढळून आले आहेत. त्यामुळे ग्रामिण पोलिस दलातही काळजीचे वातावरण पसरले आहे.
याबाबत पोलिस अधिक्षक संदीप पाटील यांनी माहिती दिली की, सासवड व लोणावळा पोलिस ठाण्यातील दोन पोलिस कर्मचारी व सासवड पोलिस ठाण्यातील कोरोनाबाधित कर्मचाऱ्यांची पत्नी व दोन मुले कोरोना पॉझिटीव्ह आली आहेत, ही बाब खरी आहे. सासवड पोलिस ठाण्यातील कोरोना बाधीत कर्मचारी हा फुरसुंगी हद्दीतील रहिवासी आहे. तर, लोणावळा हद्दीतील कोरोनाबाधित पोलिस कर्मचारी हा भोसरीतील रहिवासी असल्याचे उघड झाले आहे. या दोन्ही कर्मचाऱ्यांना ते राहत असलेल्या ठिकाणीच कोरोनाचा पार्दुर्भाव झाला असल्याची शक्यता आहे. त्यामुळे या पुढील काळात पुणे शहर व पिंपरी चिंचवड शहरातून कामाच्या ठिकाणी येजा करणाऱ्या कर्मचाऱ्यांना कामाच्या ठिकाणीच राहण्याची सक्ती करण्यात येणार आहे. कंटेनमेन्ट झोनमधील रहिवासी असलेल्या पोलिस कर्मचाऱ्यांना ड्युटीवर बोलावू नयेत याबाबतच्या सुचनाही पोलिस ठाण्याच्या प्रभारी अधिकाऱ्यांना दिलेल्या आहेत. या पुढील काळात पोलिस अधिकारी व कर्मचाऱ्यांची काळजी घेतली जाणार आहे.
पोलिस दलात मागिल दोन दिवसात दोन कर्मचारी पॉझिटिव्ह आले असले, तरी या पुढील काळात पोलिस दलात कोरोनाचा प्राद्रुर्भाव वाढ नये, यासाठी तक्रार देण्यासाठी पोलिस ठाण्यात येणारे तक्रारदार व पोलिस यांच्यात सोशल डिस्टन्स राखण्याच्या सूचना देण्यात आल्या आहेत. पोलिस अधिकारी व कर्मचारी या दोघांनीही मास्क वापरणे सक्तीचे केले आहे. तर, 45 वर्षापेक्षा जास्त वय असलेल्या आणि डायबेटिससह इतर आजार असलेल्या पोलिसांना नाकाबंदी आणि फिल्डवरची ड्युटी न देण्याचा निर्णय घेण्यात आला आहे. 50 वर्षापेक्षा जास्त वय असलेल्या पोलीस कर्मचाऱ्यांना नाकाबंदीचं काम न देण्याचा निर्णय घेण्यात आला आहे.
- संदीप पाटील,
पुणे जिल्हा पोलिस अधिक्षक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.