पहिला डोस झाल्यानंतर ठराविक मुदतीमध्ये दुसरा डोस घेणे आवश्यक आहे. मात्र, अनेक नागरिकांना दुसरा डोस घेण्यास विलंब झाल्याने मुदत संपलेली आहे.
पुणे - पहिला डोस झाल्यानंतर ठराविक मुदतीमध्ये दुसरा डोस (Dose) घेणे आवश्यक (Important) आहे. मात्र, अनेक नागरिकांना दुसरा डोस घेण्यास विलंब झाल्याने मुदत संपलेली आहे. अशा नागरिकांनी गोंधळून किंवा घाबरून न जाता महापालिकेच्या लसीकरण (Vaccination) केंद्रावर जाऊन लस घ्यावी, असे आरोग्य विभागाने (Health Department) स्पष्ट केले आहे.
महापालिकेतर्फे कोरोनाचा प्रतिबंधक कोव्हॅक्सीन आणि कोव्हीशील्ड या दोन लस नागरिकांना दिल्या जात आहेत. कोव्हॉक्सीनचा पहिला डोस झाल्यानंतर २८व्या दिवसानंतर दुसरा डोस घ्यावा लागतो. तर कोव्हीशील्डचा पहिला डोस घेतल्यानंतर १२ ते १६ आठवड्याच्यामध्ये दुसरा डोस घेता येतो. केंद्र सरकारकडे कोव्हीशील्ड लस मुभलक उपलब्ध असल्याने याचेच जास्त लसीकरण शहरात झालेले आहे.
कोरोनाची दुसरी लाट ओसरत असताना सुरू जुलै, आॅगस्ट, सप्टेंबर, आॅक्टोंबर या महिन्यात मोठ्याप्रमाणात लसीकरण झाले. या नागरिकांनी कोव्हीशील्डची ८४ ते ११२ दिवसाच्या दरम्यान लस घेणे आवश्यक होते. बहुतांश नागरिकांनी वेळेवर दुसरा डोस घेतला असला तरी अद्याप सुमारे ३ लाख लोकांनी दुसरा डोस घेतलेला नाही. आता ओमिक्रॉम विषाणूंमुळे रोज हजारो नवे रुग्ण आढळत आहेत. त्यामुळे लस न घेतलेल्या नागरिकांची पुन्हा लसीकरण केंद्राकडे पावले वळत आहेत, पण अनेकांना आपल्याला लस मिळणार का ? याबाबत गोंधळ आहे.
महापालिकेचे लसीकरण अधिकारी डॉ. सूर्यकांत देवकर म्हणाले, ‘‘पहिला डोस घेतल्यानंतर नागरिकांनी दुसरा डोस वेळेत घेणे आवश्यक होते. मात्र, ज्या नागरिकांना पहिल्या डोसनंतर कोरोना झाला, किंवा अन्य कारणामुळे दुसरा डोस घेतला नाही. अशा नागरिकांना आता दुसरा डोस घेण्यासाठी कोणतीही अडचण नाही. त्यांची कोवीन ॲपवर नोंदणी झालेली असल्याने व पहिल्या डोसची नोंदही असल्याने दुसरा डोसही मिळू शकतो.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.