Pune News : जादूटोण्यासाठी मासिक पाळीच्या रक्ताची विक्री; महिलेच्या छळाविरुद्ध सासरच्यांवर गुन्हा दाखल

‘अघोरी पूजे’च्या घटनेनंतर दुसरा प्रकार उघडकीस
crime police action aghori pooja incident of pune discussed in state-assembly
crime police action aghori pooja incident of pune discussed in state-assemblysakal

पुणे : एका महिलेला गर्भधारणा होण्यासाठी ‘अघोरी पूजे’च्या नावाखाली मानवाच्या हाडांची पावडर सेवन करण्यास भाग पाडल्याची घटना शहरात जानेवारीमध्ये घडली होती. या घटनेचे पडसाद बुधवारी विधिमंडळात उमटले असतानाच पुन्हा एका महिलेसोबत अघोरी प्रकार घडल्याचे समोर आले आहे. मासिक पाळी सुरू असताना एका महिलेशी अघोरी कृत्य केल्याप्रकरणी विश्रांतवाडी पोलिसांनी पतीसह नातेवाइकांवर गुन्हा दाखल केला आहे.

crime police action aghori pooja incident of pune discussed in state-assembly
Human Trafficking : मुलांना पळवून विक्री करणारी आंतरराज्य टोळी गजाआड

या संदर्भात एका २७ वर्षीय महिलेने विश्रांतवाडी पोलिस ठाण्यात फिर्याद दिली आहे. त्यानुसार तिचा पती, सासू, सासरे, दीर, मावस दीर आणि भाचा यांच्यावर गुन्हा दाखल करण्यात आला आहे. या आरोपींविरुद्ध महाराष्ट्र नरबळी आणि इतर अमानुष अघोरी प्रथा जादूटोणा प्रतिबंधक अधिनियमानुसार गुन्हा दाखल केला आहे.

crime police action aghori pooja incident of pune discussed in state-assembly
Human sacrifice : कुलूपबंद घरात आढळला मिठात पुरलेला मृतदेह!

विवाहानंतर ही महिला बीड जिल्ह्यातील कामखेडा गावात पतीच्या घरी राहत होती. २६ जून २०१९ पासून तिचा पतीसह नातेवाईकांकडून शारीरिक आणि मानसिक छळ सुरू होता. मासिक पाळीदरम्यान आरोपींनी संगनमत करुन महिलेशी अघोरी कृत्य केले. या छळास कंटाळून ती माहेरी आली, असे महिलेने फिर्यादीत नमूद केले आहे. पुढील तपास पोलिस उपनिरीक्षक शुभांगी मगदूम करीत आहेत.

crime police action aghori pooja incident of pune discussed in state-assembly
Kerala human sacrifice : जागतिकीकरण व संघामुळे नरबळी; डॉ. आर. बिंदू

‘अघोरी पूजे’चे विधिमंडळात पडसाद

शहरात जानेवारी महिन्यात एका महिलेला गर्भधारणा होण्यासाठी ‘अघोरी पूजे’च्या नावाखाली मानवाच्या हाडांची पावडरचे सेवन करण्यास भाग पाडले गेले. या प्रकरणाची विधिमंडळात दखल घेण्यात आली. याबाबत सिंहगड पोलिस ठाण्यात अघोरी प्रथा जादूटोणा प्रतिबंधक अधिनियमानुसार गुन्हा नोंदविला आहे, अशी माहिती उपमुख्यमंत्री देवेंद्र फडणवीस यांनी सभागृहाला दिली. दरम्यान, पुन्हा एका महिलेसोबत अघोरी प्रकार घडल्याप्रकरणी विश्रांतवाडी पोलिस ठाण्यात गुन्हा दाखल करण्यात आला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com