पिरंगुट : मोसे खोऱ्यातील लवासा पसिरातील पडळघर (ता.मुळशी) येथील वरसगांव धरणाच्या पाण्यात बुडालेल्या दोन विद्यार्थ्यांचे मृतदेह शोधण्यात मुळशी आपत्ती व्यवस्थापन पथकाला आज यश आले आहे. तब्बल एकोणीस तासांच्या अथक प्रयत्नांची ही कामगिरी करून निहाल उत्तम थापा ( वय २१ रा. शिलॉंग,मेघालय) आणि सीरक्षीत चंद्रमोली स्वरम ( वय २० , रा. चेन्नई ) या दोघांचे मृतदेह आज पाण्यातून बाहेर काढण्यात आले.
हेही वाचा - शंभरीच्या दिशेने पेट्रोलची घोडदौड सुरुच; सलग 8व्या दिवशी पेट्रोल-डिझेल दरवाढ
पोलिसांनी दिलेल्या माहितीनुसार, लवासा येथील क्राइस्ट युनिव्हर्सिटी या महाविद्यालयात बीएस्सीच्या द्वितीय वर्षांत थापा व स्वरम हे विद्यार्थी शिक्षण घेत होते. रविवारी(ता. १४) दुपारी तीन वाजण्याच्या सुमारास निहाल थापा व सीरक्षीत स्वरम हे दोघेजण आणि आणखी दोन मिञ असे चौघेजण पोहण्यासाठी धरणाजवळ गेले होते. यामध्ये निहाल व सीरक्षीत पाण्यात बुडाले होते.
खोपोली नजीक द्रुतगतीवर भीषण अपघात; पाच जणांचा जागीच मृत्यू
घटनेची माहिती पौड पोलिसांना मिळाल्यानंतर पोलीस नाईक रविंद्र नागटिळक आणि लवासा लाइफ गार्ड विजयकुमार कांबळे, मुळशी आपत्ती व्यवस्थापनचे प्रमोद बलकवडे, विजय शिवतारे आणि त्यांच्या पथकाने तब्बल १९ तास शोध मोहीम राबविली. त्यामुळे आज सकाळी दोघांचे मृतदेह मुळशी आपत्ती व्यवस्थापन समितीला सापडले. घटनास्थळी हजर राहून पौड पोलिस ठाण्याचे निरीक्षक अशोक धुमाळ यांनीही मृतदेह शोधमोहिमेत सहभाग घेतला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.