धक्कादायक, दौंडमध्ये कोरोनाने महिलेचा मृत्यू, तरूणास लागण

दौंड (पुणे) : दौंड शहरातील ९० वर्षीय कोरोनाबाधित ज्येष्ठ महिलेचा मृत्यू झाला आहे. तर, कुरकुंभ (ता. दौंड) एमआयडीसीमधील एका ३० वर्षीय तरूणाला कोरोनाची बाधा झाली आहे. त्यामुळे तालुक्यातील कोरोनाबाधितांची संख्या ९ झाली आहे.

अक्षय बोऱ्हाडे यांचा प्रवास : सायबर कॅफेतील कामगार ते सामाजिक कार्यकर्ता

दौंड शहरातील दौंड- सिद्धटेक रस्त्यालगतच्या नेहरू चौक येथील एका नव्वद वर्षीय महिलेस २६ मे रोजी कोरोनाची बाधा झाली होती. त्यांच्या संपर्कात आलेल्या १७ जणांचे शहरातील कोविड केअर सेंटर येथे स्वॅब टेस्टसाठी नमुने घेण्यात आले. त्या सर्व १७ जणांचा वैद्यकीय अहवाल निगेटिव्ह आला होता. काल (ता. २९) रात्री या महिलेचा पुणे येथे उपचारादरम्यान मृत्यू झाला आहे, अशी माहिती दौंड उप जिल्हा रूग्णालयाचे अधीक्षक डॅा. संग्राम डांगे यांनी दिली.

दोघी बहिणींची भटकंती निसर्गसेवेसाठी

मूळ अंबरनाथचा रहिवासी असलेला व सध्या कुरकुंभ एमआयडीसीमधील एका बहुराष्ट्रीय कंपनीता कामाला असणाऱ्या एका ३० वर्षीय तरूणास त्रास होऊ लागला. त्यामुळे दौंड शहरातील एका खासगी रूग्णालयात दाखल करण्यात आले होते. उपचार सुरू असताना या तरूणास कोरोनाची बाधा झाल्याचा अहवाल आज (ता. ३०) प्राप्त झाला आहे, अशी माहिती दौंड तालुका आरोग्य अधिकारी डॅा. अशोक रासगे यांनी दिली. 

पुण्यातील इतर बातम्या वाचण्यासाठी येथे- क्लिक करा

३१ दिवसांत ५१ जणांना कोरोनाची बाधा
दौंड तालुक्यात २९ एप्रिल ते ३० मे या कालावधीत ५१ जणांना कोरोनाची बाधा झाली असून, त्यापैकी ४० जण उपचारानंतर बरे झाले आहेत. तसेच, एका ७० वर्षीय नागरिकाचा व एक ९० वर्षीय महिलेचा मृत्यू झाला आहे. तालुक्यातील आजअखेर बाधितांची संख्या ९ झाली असून, त्यामध्ये इंडियन रिझर्व्ह बटालियनचे (आयआरबी) ६ पोलिस व ३ नागरिकांचा समावेश आहे.