पुणे : अल्पयवीन मुलीची खासगी छायाचित्रे इन्स्टाग्रामवर टाकून बदनामी | Sakal
sakal

बोलून बातमी शोधा

 defame
पुणे : अल्पयवीन मुलीची खासगी छायाचित्रे इन्स्टाग्रामवर टाकून बदनामी

पुणे : अल्पयवीन मुलीची खासगी छायाचित्रे इन्स्टाग्रामवर टाकून बदनामी

पुणे : इन्स्टाग्रामद्वारे (Instagram)अल्पवयीन मुलीशी ओळख वाढवून तिची खासगी छायाचित्रे इन्स्टाग्रामवर टाकून तरुणाने तिची बदनामी (Defame)केली. याप्रकरणाची गांभीर्याने दखल घेत पुणे पोलिसांच्या सायबर पोलिसांनी (Cyber police)आरोपीस मुंबईतुन बेड्या ठोकल्या.

हेही वाचा: सोलापूर : तांबोळे खत कारखाना कामगार 'विष'बाधा प्रकरणी तिघांविरोधात गुन्हा दाखल

यश बाबासाहेब भंडारे (वय 19, रा. ठक्कर बप्पा कॉलनी, चेंबुर, मुंबई) असे अटक केलेल्या संशयित आरोपीचे नाव आहे. याप्रकरणी 16 वर्षीय मुलीच्या आईने सायबर पोलिस ठाण्यात फिर्याद दिली होती. वरिष्ठ पोलिस निरीक्षक डि.एस.हाके यांनी दिलेल्या माहितीनुसार, अल्पवयीन मुलगी व तरुणाची इन्स्टाग्रामद्वारे ओळख झाली होती. त्यानंतर आरोपीने तिच्याशी संवाद वाढवून, गोड बोलून तसेच धमकी देऊन तिची खासगी छायाचित्रे स्वतःकडे मागवून घेतली. त्यानंतर त्याने तिची छायाचित्रे इन्स्टाग्रामवर टाकून तिची बदनामी केली. मुलीने हा प्रकार तिच्या कुटुंबीयांना सांगितला. त्यानंतर तिच्या आईने सायबर पोलिसांकडे फिर्याद दिली.

हेही वाचा: बेळगाव : सरकारी पदवीपूर्व महाविद्यालये अतिथी प्राध्यापकांवरच अवलंबून

त्यावरुन लहान मुलांचे लैंगिक शोषण अत्याचार प्रतिबंध कायद्यानुसार (पॉक्‍सो) गुन्हा दाखल करण्यात आला. दरम्यान, सायबर पोलिसांनी गुन्ह्यात वापरलेल्या इन्स्टाग्रामची माहिती तांत्रिक विश्‍लेषणाद्वारे मिळविली. त्यावेळी संबंधित खाते मुंबईत राहणाऱ्या यश भंडारे या तरुणाचे असल्याची माहिती पुढे आली. त्यानुसार, पोलिस निरीक्षक संगिता माळी, सहाय्यक पोलिस निरीक्षक अश्‍विनी पाटील, पोलिस उपनिरीक्षक सुभाष माने, पोलिस हवालदार राजेश केदारी, राहूल हंडाळ, अस्लम अत्तार, अंकीता राघो, जान्हवी भडेकर यांच्या पथकाने भंडारे यास मुंबईतुन अटक केली.

हेही वाचा: सोलापूर : अनगर- अंजनगाव रस्त्यावर अपघात पिता-पुत्राचा मृत्यु

"गुन्हेगारी प्रवृत्तीच्या व्यक्तींकडून ऑनलाईन, इन्स्टाग्राम किंवा कोणत्याही समाजमाध्यमांद्वारे मुला-मुलींशी ओळख निर्माण करुन त्यांच्याशी मैत्री केली वाढवून गैरप्रकार केले जातात. त्यामुळे मुला-मुलींनी त्यांची वैयक्तीक छायाचित्रे कोणालाही पाठवू नयेत. कोणी त्रास देत असल्यास किंवा गैरप्रकार करीत असल्यास तत्काळ पोलिसांशी संपर्क साधावा.''

- डी.एस.हाके, वरिष्ठ पोलिस निरीक्षक, सायबर पोलिस ठाणे

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top