पुण्यातील नाट्यगृहांबाबत महत्त्वाची बातमी...

पुणे : लॉकडॉउनमुळे दोन महिने पुण्यातील नाट्यगृह बंद आहेत. ती कार्यक्रमांच्या ऑनलाइन सादरीकरणासाठी खुली करावीत, अशी मागणी पुढे येऊ लागली आहे.
पुणे ही राज्याची सांस्कृतिक राजधानी आहे. परंतु कोरोनामुळे नाटक आणि अन्य सांस्कृतिक कार्यक्रम बंद असल्याने नाट्यसृष्टीला मोठे आर्थिक नुकसान सोसावे लागत आहे. अशा स्थितीत पुण्यातील सांस्कृतिक क्षेत्र आणि कलावंतांना उभारी देण्यासाठी दृष्टीने काही संस्था पुढे येऊ लागल्या आहेत.

सावधान ! पुण्यातील `या` भागात तुमच्या सोबतही असा भयानक प्रकार घडू शकतो

पुण्यातील संवाद संस्थेने ऑनलाईन कार्यक्रम सादर करण्यासाठी तयारी केली आहे. या कार्यक्रमाला पुणे महानगरपालिकेच्या वतीने सहकार्य करावे आणि नाट्यगृहे या कार्यक्रमांच्या चित्रीकरणासाठी खुली करावीत. महानगरपालिकेच्या पोर्टलवर हे कार्यक्रम रसिकांना दाखवावेत, अशी सूचना संस्थेचे सुनील महाजन महापालिकेला केली आहे. महानगरपालिकेच्या वतीने कोरोनाच्या काळात पुण्यातील कलावंताना कोणतेच सहकार्य झाले नाही याबद्दल खेद वाटतो, असे त्यांनी आयुक्तांना लिहिलेल्या पत्रात म्हटले आहे.

प्रवाशांच्या गर्दीने रेल्वे स्थानक पुन्हा गजबजले

असे होतील कार्यक्रम
कार्यक्रम सादर करताना नाट्यगृहांमध्ये गर्दी न करता सोशल डिस्टन्सिंग पाळून कार्यक्रम सादर केले जातील. राज्य सरकारच्या सर्व नियमांचे पालन केले जाईल. नाट्यगृहात कलावंत सोडून कोणतेही प्रेक्षक उपस्थित राहणार नाहीत, तसेच मास्क, सॅनिटायझर आणि इतर सर्व गोष्टींची पूर्तता करून कार्यक्रम सादर केले जातील. हे कार्यक्रम सुरू झाल्यानंतर हळुहळू कला व्यवहार सुरू होतील अशी आशा महाजन यांनी व्यक्त केली आहे.
 

पुण्याच्या बातम्या वाचण्यासाठी येथे ► क्लिक करा

नाट्यगृहे खुली झाली आणि तेथे नाटके, सांगीतिक कार्यक्रमांचे चित्रीकरण सुरू झाल्यास कोरोना पश्चात रसिकांना नाट्यगृहांपर्यंत आणता येतील. त्यामुळे अशा कार्यक्रमांसाठी सात जूनपासून बालगंधर्वसह सर्व नाट्यगृहे उपलब्ध करून द्यावीत, अशी मागणी सुनील महाजन यांनी महापालिकेकडे केली आहे.